Ankarada "Leyli və Məcnun" operasının 100 illik yubileyinə həsr olunmuş rəsm sərgisi açılmışdır

Azərbaycan Milli Musiqisi Günündə keçirilən bu mərasimdə TÜRKSOY təşkilatının nümayəndələri, Türkiyə Mədəniyyət Nazirliyinin təmsilçiləri, türkdilli ölkələrin diplomatik korpusu iştirak etmişlər.

Türkiyə mədəniyyət nazirinin müavini Kamal Fahir Gənc, TÜRKSOY baş direktorunun müavini Fırat Purtas, ölkəmizin Ankaradakı səfirliyinin müşaviri Rəşad Vahabzadə və digər çıxış edənlər bu möhtəşəm operanın müəllifi Üzeyir Hacıbəylinin yaradıcılığından, Azərbaycan opera sənətinin uğurlarından danışmışlar.
Sərginin açılışı mərasiminin sonunda "Leyli və Məcnun" operasından parçalar səslənmişdir.

Xatırladaq ki, dahi bəstəkar Üzeyir Hacıbəylinin "Leyli və Məcnun" operasının 100 illiyinə həsr olunmuş XI TÜRKSOY Opera günlərinə sentyabrın 14-də Şimali Kiprin Girnə şəhərində yekun vurulmuşdur.

Azərbaycan.- 2008.- 20 sentyabr.- S. 14.