Samirə

24 ildən sonra V qurultay

Dünən Aşıqlar Birliyinin V qurultayı keçirildi. Qurultayda çıxış edən Mədəniyyət və Turizm naziri Əbülfəs Qarayev qeyd etdi ki, qurultay ərəfəsində prezident İlham Əliyev aşıq sənətinin inkişafının hansı səviyyədə olması ilə maraqlanıb.

Ə.Qarayev: "Hazırda aşıq musiqisinə ayrılan diqqətin artması məhz ölkə rəhbərliyinin bu sahəyə münasibəti sayəsində mümkün olub. Əgər biz indi aşıq yaradıcılığının inkişafı ilə məşğul olmasaq, Azərbaycan yeni nəslə mənsub aşıqlardan məhrum ola bilər".

Aşıqların V qurultayı 24 il ərzində baş tııtan ilk toplantıdır. Bu illər ərzində aşıqlar yalnız qeyri-rəsmi toplantılarla kifayətləniblər. V qurultayda Bakı, Tovuz, Gədəbəy, Kəlbəcər, Ağstafa, Daşkəsən, Gəncə, Ağsu, Kürdəmir, eləcə də digər bölgə və şəhərlərdən olan 200-dək aşıq iştirak edib. Çoxdan bəri yüksək səviyyədə toplaşmadıqlarına görə çıxış edən aşıqlar arasında problemlərdən danışanlar da az olmadı.

Məsələn, Göyçaydan olan Aşıq Fətulla təqaüdə çıxması ilə bağlı problemlərlə üzləşdiyini, müvafiq təşkilatların ona Aşıqlar Birliyinə müraciət etməyi məsləhət gördüyünü, lakin burda da qocaman aşığa sonadək kömək edə bilmədiklərini dilə gətirdi. Aşıq Fətulla: "Əgər bizim fəaliyyətimiz dövlət səviyyəsində tarnzimlənsəydi, belə problemlərlə rastlaşmazdıq. Ölkədə aşıq yaradıcılığı üzrə ixtisaslaşan məktəblərin olmaması da inkişafımızı ləngidir".

Aşıq sənəti şifahi xalq yaradıcılığının peşəkar sahələrindon biridir. "Aşıq" sözünün etimologiyasi "eşq", "aşiq" kəlmələrinə dayaqlanır. Tarixi çox qədim dövrlərə gedib-çıxan aşıq yaradıcılığı ilə məşğul olanlar müxtəlif zamanlarda "ozan", "varsaq", "dədə" adlandırılıblar. Dastan danışan, oxuyan və saz çalan yaradıcı şəxsə aid edilən "aşıq" termini XIV əsrdə meydana gəlib.

Həftə içi.- 2008.- 8 sentyabr.- S. 8.