“Göy qurşağı”nın
yubiley sayı çapdan çıxıb
F.Köçərli adına Respublika Uşaq
Kitabxanasının 2006-cı ildən nəşr etdiyi
"Göy qurşağı" uşaq jurnalının
yubiley sayı işıq üzü görüb. Mədəniyyət və Turizm
Nazirliyinin dəstəyilə
çıxan jurnalın
yubiley nömrəsində
kitabxana tərəfindən
keçirilən "Mənim
rəng dünyam"
rəsm müsabiqəsinin
qalibləri haqqında
məlumat verilib. Həmçinin qaliblərin
rəsmləri jurnalda
öz əksini tapıb. Kitabxanada fəaliyyət göstərən
Multimedia otağı və burada balaca istifadəçilərə
təqdim edilən elektron nəşrlər haqqında da jurnalda geniş məlumat verilib. Xalq artisti, Azərbaycanda
teatr sənətinin inkişafında əvəzsiz
xidmətləri olan Mirzəağa Əliyevin
125 illik yubileyi ilə əlaqədar balaca oxuculara aktyorun sənəti haqqında bilgi çatdırılıb. "Neft
daşları" haqqında
məqalə də uşaqlar üçün
maraqlı mütaliə
materialıdır. Balaca
oxucular jurnalda kompyuter və ondan istifadə haqqında maraqlı məlumatlar da əldə edə biləcəklər. Jurnalın
sonunda F.Köçərli
adına Kitabxanadakı
ən çox oxunan 6 kitab haqqında məlumat verilib. Bu sıraya
Ələmdar Quluzadənin
"Qürbətə düşən
daş", Mir Mehdi Seyidzadənin "Seçilmiş əsərləri",
Mikayıl Müşfiqin
"Seçilmiş əsərləri",
"Sevimli nağıllar",
"Min bir gecə", Gülzar İbrahimovanın "Mən
daha böyüyəm"
kitabları daxildir.
525-ci qəzet.- 2008.- 17 sentyabr.- S. 7.