Mədəniyyət və Turizm
Nazirliyinin təşkilatçılığı
ilə ölkənin mədəniyyət və
turizm müəssisələrində
informasiya texnologiyalarının
tətbiqini sürətləndirmək
məqsədilə zona
seminarları keçirilmişdir.
Nazirliyin
mətbuat xidmətindən
AzərTAc-a bildirmişlər ki, seminarlarda nazirliyin analitik təhlil və proqram təminatı şöbəsinin
müdiri Qabil Abbasov mədəniyyət
və turizm müəssisələrində yeni informasiya texnologiyalarının tətbiqi
vəziyyətini əks
etdirən məruzə
ilə çıxış
etmişdir.
Seminarlarda,
həmçinin sənədlərin hazırlanması
zamanı Azərbaycan əlifbasının "UNİCODE"
kod standartlarından istifadə, nazirliyin rəsmi veb-saytı
ilə işləmə qaydaları, "İnformasiya
əldə etmək haqqında" Azərbaycan
Respublikasının Qanunu, "Dövlət orqanlarının
və bələdiyyələrin İnternet informasiya
ehtiyatlarının yaradılması Formaları və
Qaydaları" və s. haqqında ətraflı məlumat
verilmişdir.
Rayon mədəniyyət
və turizm şöbələrinin işinin
müasir tələblər
səviyyəsində qurulması
məqsədilə təşkil
edilən seminarların
müsbət əhəmiyyəti
nəzərə alınaraq
gələcəkdə respublikanın
digər bölgələrində
də belə tədbirlərin keçirilməsi planlaşdırılır.
Azərbaycan.- 2008.-
5 sentyabr.- S. 6.