Sabirabadda Heydər Əliyev Muzeyi açılmışdır

Sentyabrın 26-da Sabirabad şəhərində Heydər Əliyev Muzeyinin açılışı olmuşdur.

Prezident İlham Əliyev bu münasibətlə keçirilən mərasimdə iştirak etmişdir.

Dövlətimizin başçısı rəmzi açılışı bildirən qırmızı lenti kəsdi və muzeylə tanış oldu.

Tikintisinə 2007-ci ildə başlanmış binanın sahəsi 480 kvadratmetrdən çoxdur. Heydər Əliyev Fondunun təşəbbüsü ilə tikilmiş muzeyin yeddi bölməsində ümummilli liderin həyat və fəaliyyətinə dair fotoşəkillər, müxtəlif kitablar nümayiş etdirilir. Ulu öndərin 1970-ci illərdə, eləcə də müstəqillik dövründə Sabirabad rayonuna çoxsaylı səfərlərini, keçirdiyi görüşləri əks etdirən fotoşəkillər xüsusi maraq doğurur. Muzeydə konfrans salonu, kompyuter otağı da vardır.

Prezident İlham Əliyev muzeyin xatirə kitabına ürək sözlərini yazdı.

Xalq qəzeti.- 2008.- 27 sentyabr.- S. 3.