Tovuzda Heydər Əliyev Muzeyi açılmışdır

Sentyabrın 24-də Tovuz şəhərində Heydər Əliyev Muzeyinin açılışı olmuşdur.

Azərbaycan Prezidenti İlham Əliyev rəmzi açılışı bildirən lenti kəsdi və muzeylə tanış oldu.

İkimərtəbəli, öz görkəmi ilə şəhərin mərkəzi meydanına xüsusi yaraşıq verən binanın ümumi sahəsi 200 kvadratmetrdən çoxdur.
Muzeydə ümummilli lider Heydər Əliyevin həyatının müxtəlif dövrlərini, eləcə də Tovuz rayonuna səfərlərini və keçirdiyi görüşləri əks etdirən fotoşəkillər, dahi şəxsiyyətə həsr olunmuş kitablar toplanmışdır. Burada ulu öndərin büstü də qoyulmuşdur.

Prezident İlham Əliyev muzeyin xatirə kitabına ürək sözlərini yazdı.

Xalq qəzeti.- 2008.- 25 sentyabr.- S. 5.