Avroviziya
2008-də oxuyacaq erməni
Azərbaycan mahnılarının
mahir ifaçısıdır
Ermənistanın İctimai Televiziyası bu
ölkəni "Avroviziya-2008" mahnı
müsabiqəsində təmsil edəcək
müğənnini seçib. Bu, 21 yaşlı Siruşodur. Siruşo 1987-ci il yanvarın 7-də Yerevan şəhərində
doğulub. İlk dəfə səhnəyə
7 yaşında Kanadada
çıxıb. 9 yaşında
ilk mükafatını
alıb. Sonralar başqa mükafatlar da qazanıb. Sayat Nova adına
məktəbdə piano
kursunda təhsil alıb. İlk albomu 1999-cu, ikinci albomu 2005-ci ildə çıxıb. İndiyədək
Kanada, Belçika,
ABŞ, Yunanıstan, Polşa,
Gürcüstan, İran,
Rusiya, Suriya, İordaniya və s. ölkələrdə konsertlər verib.
Siruşonu məşhurlaşdıran
mahnılardan birini -
"Şorora"nı
ermənilər ənənəvi
ozan və aşıq musiqisi kimi təqdim edirlər. Təbii ki, onlar hətta bu cür
təqdimatda da özləri üçün
bir təhlükə görmürlər, çünki
ozan və aşıq musiqisinin erməniyə məxsus olduğunu iddia edirlər. "Şorora"
bəstəsi Üzeyir
Hacıbəyova məxsus
olan "Qaragilə",
"Dilbərim" kimi
məşhur Azərbaycan
mahnılarının
qarışığından, həmçinin "Sarı
gəlin" Azərbaycan
xalq mahnısının
motivlərindən ibarətdir.
Siruşonun
"Avroviziya-2008"də nə oxuyacağı hələ bəlli deyil. "Day.az" saytı isə bunun "Şorora" ola biləcəyini ehtimal edir. Həmin
mahnı "YouTube"
portalında yerləşdirilib.
Azərbaycan bu
il ilk dəfə
olaraq "Avroviziya"
mahnı müsabiqəsinə
qatılacaq. Azərbaycanı
"Avroviziya-2008"də təmsil edəcək müğənni fevralın
2-də Heydər Əliyev adına İdman-Konsert Kompleksində
keçiriləcək konsertdə
münsiflərin qərarı
ilə seçiləcək.
Müsabiqəni İTV həyata
keçirir. "Turan"
agentliyi xəbər verir ki, 40 iştirakçıdan
artıq 3 nəfər
müəyyən edilib.
Bu, "Unformal" rok-qrupu, "Azəristar"
layihəsinin diplomantı
Aynur İsgəndərli
və "Sing your Song" müsabiqəsinin qalibi Elnur Hüseynovdur. Hazırda müsabiqədə
iştiraka iddia edən müğənnilər
Ukraynadadırlar, orada
"Luxen LTD" şirkəti
onların hazırlığı,
imici ilə məşğul olur, məşqlər və mahnı seçimi həyata keçirilir.
"Avroviziya-2008" müsabiqəsi mayın 20-24-də Serbiyanın paytaxtı Belqrad şəhərində
keçiriləcək ("Mediaforum").
525-ci qəzet.- 2007.- 23 yanvar.- S. 1; 3.