Rejissor Tofiq Kazımovun 85 illiyi qeyd olunub

Dünən görkəmli rejissor, xalq artisti Tofıq Kazımovun anadan olmasının 85 illik yubileyi münasibəti ilə tədbirlər keçirilib. APA-nın məlumatına görə, rejissorun Fəxri Xiyabandakı məzarı ziyarət olunub. Tədbirdə çıxış edən Mədəniyyət və Turizm nazirinin müavini Ədalət Vəliyev T.Kazımovun Azərbaycan teatrındakı danılmaz xidmətlərindən söz açıb. Onun sözlərinə görə, yeni aktyor nəslinin yetişməsi, dünya dramaturgiyasından seçmə nümunələrin Azərbaycanda səhnələşdirilməsi, gənclərin ali məktəb auditoriyasından birbaşa böyük səhnəyə gəlməsi, keçmiş SSRİ miqyasında uğurlu tamaşaların hazırlanması məhz T.Kazımovun adı ilə bağlıdır: "Tofıq Kazımov uzun illər Azərbaycan Dövlət Akademik Milli Drarn Teatrına rəhbərlik edib. Onun quruluş verdiyi tamaşalar bu gün də Azərbaycan teatr salnaməsinin ən yaddaqalan hadisələridir". Anım mərasimində xalq artistləri Nurəddin Mehdixanlı, İlham Namiq Kamal və başqaları da çıxış ediblər.

Dünən axşam isə Azərbaycan Dövlət Akademik Milli Dram Teatrında T.Kazımovun 85 illik yubileyinə həsr olunmuş xatirə gecəsi keçirilib. Gecənin sonunda Cəlil Məmmədquluzadənin "Ölülər" əsərinin tamaşası nümayiş olunub.

Yubileylə bağlı T.Kazımovun həyat və yaradıcılığına həsr olunmuş monoqrafiya hazırlanır. Teatrşünas Məryəm Əlizadənin hazırladığı monoqrafiyada T.Kazımovun uzun illər ərzində Azərbaycan teatrında gördüyü işlərdən bəhs edilir. T.Kazımovun 85 illiyi münasibətilə Teatr Muzeyində sərginin təşkili də planlaşdırılıb.

525-ci qəzet.- 2008.- 15 yanvar.- S. 7.