Türkiyənin tanınmış dirijoru Bakıya gəlib

Türkiyənin tanınmış dirijoru Hakan Şensoy Bakıya gəlib. M.Maqomayev adına Azərbaycan Dövlət Filarmoniyasının mətbuat xidmətindən bildirilib ki, ilk dəfə Bakıya gələn dirijorun səfərinin məqsədi konsert proqramı ilə çıxış etməkdir. H.Şensoy bu gün Üzeyir Hacıbəyov adına Azərbaycan Dövlət Simfonik Orkestri və Azərbaycan Dövlət Xor Kapellası ilə birgə konsert verəcək. Proqramda Münir Bekerin 1 saylı simfoniya - "İstanbul nağılları", Vasif Adıgözəlovun "Odlar Yurdu" oratoriyası səslənəcək. Konsertin solistləri xalq artisti Qərinə Kərimova və əməkdar artist Əkrəm Poladovdur.

Səs.- 2008.- 12 yanvar.- S. 16.