Prezident Kitabxanasının yaradılmasından 5 il ötür

Bu fikir yanvarın 24-də Azərbaycan Respublikası Prezidenti İşlər İdarəsinin Prezident Kitabxanasının 5 illiyinə həsr olunmuş "Dövlət idarəetmə orqanlarının sənəd-informasiya təminatı: müasir vəziyyəti və inkişaf perspektivləri" adlı beynəlxalq elmi-praktiki konfransda səslənib.

Konfrans nümayəndələri əvvəlcə Fəxri xiyabana gələrək, ulu öndər Heydər Əliyevin məzarını ziyarət etmiş, xatirəsinə ehtiramlarını bildirmişlər.

Görkəmli oftalmoloq alim, akademik Zərifə xanım Əliyevanın məzarı üzərinə də gül dəstələri qoyulub.

Prezidentin İşlər idarəsi müdirinin birinci müavini Oqtay Şahbazov informasiya cəmiyyətinin formalaşması və inkişafı dövründə Azərbaycan paytaxtında belə bir beynəlxalq tədbirin təşkilinin əhəmiyyətini yüksək qiymətləndirib. Qeyd edib ki, bu gün dinamik inkişaf mərhələsini yaşayan respublikamızda kitabxanaların fəaliyyətinin yaxşılaşdırılması, maddi-texniki bazasının, beynəlxalq informasiya məkanında mövqelərinin möhkəmləndirilməsi istiqamətində mühüm işlər görülür.

Əsası ümummilli lider Heydər Əliyev tərəfindən qoyulmuş Prezident Kitabxanasına dövlət başçısı İlham Əliyevin də xüsusi diqqət və qayğı göstərdiyi, 2006-cı il iyunun 27-də onun şəxsən kitabxanaya gələrək buradakı vəziyyətlə maraqlanması, bu mədəniyyət ocağmın işinin daha da yaxşılaşdırılması ilə əlaqədar tapşırıq və tövsiyələrini verməsi diqqətə çatdırılıb.

Mədəniyyət və Turizm naziri Əbülfəs Qarayev konfransın yalnız kitabxanalar arasında deyil, eyni zamanda, ölkələr və xalqlar arasında informasiya mübadiləsinin təşkilində mühüm rol oynayacağını vurğulayıb. Nazir son iki ildə Azərbaycanda kitabxana işinin inkişafı ilə bağlı Prezident tərəfindən 4 dövlət sənədinin imzalanmasını bu sahəyə ölkə başçısının qayğısının birbaşa təzahürü kimi qiymətləndirib.

Prezident Kitabxanasının direktoru Mayıi Əhmədov qeyd edib ki, konfransın əsas məqsədi cəmiyyətin informasiyalaşdırılması, informasiya texnologiyalarının kitabxana sahəsinə tətbiqi şəraitində qabaqcıl təcrübənin öyrənilməsi, fikir mübadiləsinin aparılmasıdır. M.Əhmədov bildirib ki, hazırda bu mədəni-maarif ocağı sənəd fondları və biblioqrafik ehtiyatlar yaradılması, kitabxana proseslərinin avtomatlaşdırılması, müasir kitabxana-informasiya texnologiyalarının tətbiqi sahəsində əhəmiyyətli vəzifələr yerinə yetirir. Bu, Azərbaycan Prezidenti İcra Aparatının, mərkəzi və yerli icra orqanlarının, ictimai və humanitar elmlər sahəsində çalışan tədqiqatçılara keyfiyyətli kitabxana-biblioqrafiya və informasiya xidmətinin təşkil edilməsinə imkan yaradır.

Azərbaycan dövlətçiliyinə, milli ideologiyaya və azərbaycançılığa dair ədəbiyyatın təbliği mərkəzi kimi kitabxana həm də ümummilli lider Heydər Əliyevin zəngin irsinin və onun haqqında ədəbiyyatın toplanması, saxlanması və təbliği üzrə vacib funksiyaları yerinə yetirir. Kitabxananın yubileyi ərəfəsində onun əsərlərinin Azərbaycan Respublikası Prezidentinin İcra Aparatının rəhbəri, akademik Ramiz Mehdiyevin rəhbərliyi ilə "Azərnəşr" tərəfindən nəşr ediimiş 20 cilddən ibarət "Müstəqilliyimiz əbədidir" çoxcildliyinin elektron versiyası hazırlanıb və oxucuların istifadəsinə verilib.

Kitabxanada tətbiq edilən "İRBİS-64 -Kitabxanaların Avtomatlaşdırılma Sistemi" kitabxana-biblioqrafıya proseslərinin bütün mərhələlərini əhatə etməyə, iş prosesində davamlılığa nail olmağa, korporativ şəbəkələrlə əlaqəli işləməyə, beynəlxalq standartları və təsnifat sistemlərini, internet texnologiyalarını dəstəkləməyə və digər müsbət xüsusiyyətlərə yiyələnməyə imkan yaradıb. Bu sistem Prezident Kitabxanasında fundamental elektron kitabxana yaradılmasına və oxuculara məsafədən xidmət texnoloğiyasını tətbiq etməyə imkan verib.

Hazırda Elektron Kartotekanın Verilənlər Bazası ən vacib məqalələri və dövri nəşrlərdən götürülmüş digər materialları əks etdirən 100 mindən artıq biblioqrafik yazını əhatə edir.

Kitabxanada ən yeni texniki vasitələrlə təchiz edilmiş 14 oxucu yeri olan elektron resurslar zalı yaradılıb. Bu zalın tərkibində CD, DVD və digər informasiya daşıyıcıları toplanmış elektron media fondu təşkil edilib.

Avtomatlaşdırma sisteminin vasitəsilə əməkdaşlarımız tərəfindən elmi-tədqiqat, analitlk və ictimai-siyasi fəaliyyətlə məşğul olan oxucu qruplarına yardım məqsədi ilə 13 adda daim yeniləşdirilən tammətnli elektron nəşr, 7 adda elektron biblioqrafik göslərici yaradılıb.

M.Əhmədov belə bir inamını ifadə edib ki, bu konfrans həm Azərbaycanda kitabxana fəaliyyətinin inkişafı üçün əlavə bir stimul olacaq, həm də Prezident Kitabxanasının MDB ölkələrindən olan həmkarları ilə beynəlxalq əlaqələrinln möhkəmlənməsinə yardım göstərəcək.

İki gün davam edəcək konfransın işində Rusiya, Belarus, Qazaxıstan və Moldovanın Prezident və Parlament kitabxan-larının rəhbərlərinin, kitabxanaşünaslıq sahəsində tanınmış alimlərin kitabxana işinin inkişafının müxtəlif istiqamətləri ilə bağlı məruzələri dinləniləcək, müzakirələr aparılacaq.

Konfrans günlərində nümayəndələr Azərbaycan paytaxtının tarixi-mədəniyyət abidələri ilə tanış olacaq, mədəni-kütləvi tədbirlərdə iştirak edəcəklər.

Mədəniyyət.- 2008.- 25 yanvar.- S. 2.