"Kurortlar və sanatoriyalar haqqında" qanunun qəbulu turizmin inkişafına təkan verəcəkdir

Milli Məclisin sosial siyasət daimi komissiyasında "Kurortlar və sanatoriyalar haqqında" yeni qanun layihəsi hazırlanmışdır.

Komissiyadan bildirmişlər ki, Azərbaycanda son illərdə qeyri-neft sektorunun inkişafına, ölkəyə turist axınının gücləndirilməsinə, Xəzərboyu ərazilərdə kurort, sanatoriya və digər istirahət yerlərinin yaradılmasına xüsusi diqqət yetirilir. Mövcud kurort-sanatoriya sisteminin yenidən qurulması, əhalinin istirahətinin və müalicəsinin təmin edilməsi məqsədi ilə möhkəm hüquqi baza yaradılmalıdır. Bu qanun ölkədə turizmin inkişafına, eləcə də insanların sağlam həyat yaşamalarına geniş imkanlar açacaqdır.

Qanunun qəbulu Azərbaycanda kurort və sanatoriya şəbəkəsinin inkişafı üçün geniş perspektivlər açacaq, bu sahəyə sərmayə qoyulmasına marağı artıracaqdır.

Respublika.- 2008.- 9 yanvar.- S. 1.