“Azərbaycan mənim vətənimdir” mövzusunda rəsm müsabiqəsi keçirilib

Mir Cəlal Paşayev adına "Bahar" Uşaqlara Qayğı İctimai Birliyi Dünya Azərbaycanlılarının Həmrəyliyi Günü münasibətilə Gəncə Dövlət Rəsm Qalereyasında "Azərbaycan mənim vətənimdir" mövzusunda rəsm müsabiqəsi keçirilib. Müsabiqəyə 22 məktəbdən 72 iş təqdim olunub. Onlardan 9 işin müəllifi qiymətli hədiyyələrlə mükafatlandırılıb. Münsiflər heyətinin qərarı ilə ilk üç yeri tutan müəlliflərə müvafiq olaraq 100, 70 və 50 manat pul mükafatı verilib.

Təqdimetmə mərasimində bildirilib ki, məktəblilərin uğurlu əl işləri gələcəkdə satışa çıxarılacaq və ondan əldə edilən gəlir müəlliflərin razılığı ilə uşaq evlərinin hesabına keçiriləcək

Səs.- 2009.- 6 yanvar.- S. 12.