Telmanqızı S.

 

Çəkdiyim ən gözəl foto Elçibəyin şəkli olub

 

Tanınmış fotoreportyor Elxan Kərimovun 60 yaşı tamam oldu

 

 

Azərbaycanın məşhur fotoreportyoru, “Turanİnformasiya Agentliyinin əməkdaşı Elxan Kərimovun 60 yaşı tamam olub. Həyatının böyük hissəsini mətbuatla bağlı keçirən Elxan bəylə yubiley söhbətini əlinə fotoaparat aldığı gündən başladıq.

Yubilyar bildirdi ki, ilk dəfə 8-10 yaşında fotoaparatla tanış olub başlayıb şəkil çəkməyə. 1970-ci ildə Pedaqoji Universitetə qəbul olan Elxan bəyin ilk yeriGənc müəllimqəzeti olub. ArdıncaAzadlıqqəzetində, ən sonda isəTuran”da qərar tutub. Müsahibimizdən mətbuatda fotoqraf həmkarlarının az sayda olmasının səbəbini soruşuruq, təəssüflənir: “Əlinə fotoaparat götürüb çəkən çoxdur, amma fotomüxbir az. Sizin qəzetin mərhum əməkdaşı Alim Kazımlını, dövlət qəzetlərində çalışan Fərman Bağırovu peşəkar fotoqraf saymaq olardı. İndi fotomüxbirlərin 99 faizində yaradıcılıq yoxdur. Yerindən qalxır, rəqəmsal fotoaparatla - biz onu sabunqabı adlandırırıq - ”çık" edib oturur. Axı belə olmamalıdır. Mən bir mətbuat konfransında ən azı 15 kadr çəkirəm. Arasından cəmi bir-ikisini seçib qəzetə göndəririk. Fotoqrafların mətbuatdan uzaqlaşmasının əsas səbəbi maaşla bağlı olsa da digər səbəb fotoaparaturadır".

Müsahibimiz hesab edir ki, fəaliyyəti boyunca çəkdiyi ən gözəl şəkil mərhum prezident Əbülfəz Elçibəyinki olub. Onun sözlərinə görə, Azərbaycan dövləti durduqca bu şəkil öz əhəmiyyətini saxlayacaq. Yubilyar həmin fotonu təsadüfən çəkdiyini vurğuladı.Ən yaxşı şəkil təsadüfən alınırdeyən E.Kərimov fotoqraf üçün yaş məhdudiyyəti olub-olmaması məsələsinə toxundu: “Bəzi məqamlarda çəkilən şəkillər üçün çeviklik tələb olunur. 60 yaşında belə şeyləri etmək olmur. Mitinqlərdə qovurlar, qaçırsan, o məqamı çəkməlisən. Cavan uşaqlar daha yaxşı işləyir. Amma mən özümü hələ 60 yaşında yox, maksimum 45 yaşında hiss edirəm. Bütün hallarda bilirəm ki, yerimi cavanlara verməliyəm”.

Müsahibim fəaliyyəti boyunca təhlükəli anları da az yaşamayıb. E.Kərimov üçün belə hadisələrin sayı-hesabı yoxdur. Onlardan biri 2 iyun 2002-ci il tarixində baş verib: “Orda aləm bir-birinə qatışmışdı. Təkcə mən çəkirdim. Polislərlə üzbəüz gələndə bəziləri tanımır, zor tətbiq edirdi. Nazim Nağıyev Səbayel rayonunun polis rəisi olan vaxt keçirilən aksiyalardan birində onun şəklini çəkdiyim üçün mənə yumruq vurmuşdu. Mən bilən, cəzasını da aldı”.

Yubilyar şəklini çəkdiyinə görə peşmanlıq çəkdiyi adamların olduğunu desə konkret ad çəkmədi. Müsahibimiz onun fotoobyektivinə düşməkdən imtina edənlərin olduğunu vurğuladı: “Son olaraq ayın 7-də ”Göy məscid"ə getmişdim, sinə vuranlar vardı. İstəmədilər şəkillərini çəkim, mən anlayışla qarşıladım".

Maraqlıdır ki, E.Kərimovun oğlu Turxan da atasının sənətini davam etdirir. Gənc istedad Turxana şəkil çəkməyi atası  öyrətməyib: “Gözünü açıb fotoaparat görüb evdə. Özü aparatı götürüb şəkil çəkib. Təcili şəkil çəkmək lazım olanda redaksiyadan onu göndəriblər. Onun yaxşı jurnalist olmasını arzulayıram”.

 

Yeni müsavat.- 2009.- 15 yanvar.- S. 4.