Səmt küləyi" filmi Dövlət Film Fondunun arxivinə daxil edilib

 

Dövlət Film Fondunun arxivinə Azərbaycanın istehsalı olan "Səmt küləyi" filminə aid fotoşəkillər daxil olub. Rejissor Eldar Quliyevin 1970-ci ildə lentə aldığı "Səmt küləyi" filmi artıq Dövlət Film Fondunun arxivində qeydiyyatdadır. Fondun direktoru Cəmil Quliyevin verdiyi məlumata əsasən, film, keçmiş Çexoslovakiya Azərbaycanın ilk müştərək işlərindən biridir. Cərəyan edən hadisələr Azərbaycanın 20-ci illərdəki tarixi-siyasi mənzərəsini əks etdirir. Filmdə Azərbaycanda yaşayan çex inqilabçısının həyatından bəhs olunur.

Filmin Azərbaycana gətirilməsi üçün Rusiya Dövlət Film Fondu ilə danışıqlar aparılır. Çexiya vətəndaşının şəxsi arxivindən götürlən fotosənədlər yaxın vaxtlarda ictimai baxışa çıxarılacaq.

 

Səs.- 2009.- 30 yanvar.- S. 12.