Könül

Polsanın Lyublin səhərində Azərbaycan musiqisi səslənib

Polşanın Lyublin şəhərində Henix Venyavski adına Dövlət Filarmoniyasının böyük zalında Azərbaycan musiqiçiləri - Xalq artisti, professor, tarzən Ramiz Quliyev və beynəlxalq müsabiqələr laureatı, Prezident təqaüdçüsü, gənc dirijor Əyyub Quliyevin Polşanın məşhur musiqi kollektivlərindən olan Lyublin Dövlət Filarmoniyası orkestri ilə konserti olub.

Konsertdə Lyublin Filarmoniya orkestri Əyyub Quliyevin dirijorlugu altında K.M.Veberin "Oberon" operasından uvertüranı, P.Çaykovskinin 5-ci simfoniyasını ifa edib. Həmçinin Lyublin şəhərində ilk dəfə olaraq professor Ramiz Quliyevin ifasında görkəmli Azərbaycan bəstəkarı H.Xanməmmədovun tar və simfonik orkestr üçün 2 saylı konserti səslənib. Böyük marağa səbəb olan ifadan sonra Ramiz Quityev dinləyicilərin istəyi ilə Polşa musiqisinin ən parlaq nümunələrindən olan M.Oginskinin "Polonezi" əsərini Lyublin Filarmoniyası orkestrinin müşayiəti ilə ifa edib. Tamaşaçılar Azərbaycan musiqiçilərini ayaqüstə alqışlayıblar. Azərbaycanın Polşadakı səfirliyinin əməkdaşları, Lyublin şəhərinin rəhbərliyi və Polşanın tanınmış incəsənət xadimləri konsertə baxıblar.

Bu konsert Lyublin şəhərində Azərbaycan musiqiçilərinin iştirakt ilə keçirilən ilk konsertdir. Konsert bitdikdən sonra Lyublin Filarmoniyasının rəhbərtiyi yeni konsert layihəsi ilə bağlı Azərbaycan musiqiçilərinə dəvətlə müraciət edib.

Palitra.- 2009.- 20 yanvar.- S. 13.