“Kərbəla” əsəri səhnədə

Nəcəf bəy Vəzirov adına Lənkəran Dövlət Dram Teatrında türk yazıçısı Bəkir Yıldızın "Kərbəla" əsəri əsasında hazırlanmış tamaşanın premyerası olub. Tamaşanın quruluşçu rejissoru Təvəkkül Vəliyevin məlumatına görə, bu səhnə əsərini hazırlamaqda əsas məqsəd Kərbəla hadisələri zamanı islam aləminin müqəddəs şəxslərindən biri olan Həzrət Hüseyn tərəfdarlarının haqsızlıq və zülmə qarşı mübarizəsini tamaşaçılara çatdırmaqdır. Rejissorun fikrincə, tamaşanın səhnəyə qoyulması həmçinin uzun illərdən bəri Kərbəla hadisələri ilə bağlı formalaşan yanlış təsəvvürlərin aradan qaldırılması məqsədini daşıyır. Teatrın tarixində ilk şəbeh əsəri kimi səhnələşdirilmiş "Kərbəla" tamaşasının məsləhətçisi Qafqaz Müsəlmanları İdarəsinin cənub bölgəsi üzrə səlahiyyətli nümayəndəsi Hacı Sədi Axundzadədir. İnsanlar tamaşaya Aşura günü, yəni bu gün pulsuz baxa biləcəklər.

Həftə içi.- 2009.- 7 yanvar.- S. 8.