Nəsimi

 

"Ən böyük arzum məşhur rəssam olmaqdır"

Vasif Səftərov əsərləri ilə dünyanı düşündürmək istəyir

 

Ən böyük arzum məşhur rəssam olub Azərbaycanın adını beynəlxalq rəsm sərgilərində yüksəltməkdir". Bu, Əzim Əzimzadə adına Rəssamlıq Kollecinin 4-cü kursunda oxuyan Vasif Səftarovun arzusudur.

O, 1988-ci ildə Qazax rayonunun Daş Salahlı kəndində anadan olub. Yaradıcılığa 3-cü sinifdə oxuyarkən dəftərlərin, kitablarının üzərindəki rəsmləri kağıza köçürməklə başlayan Vasif elə Azərbaycanı dünya sərgilərində yüksək yerlərə qaldırmaq amalı ilə yolunu davam etdirib. Bu arzu onu Adil İsgəndarov adına Mədəniyyət Mərkəzinin rəssamlıq bölməsinə gətirib. Bu bölmədə keçilən kursu uğurla başa vuran gənc rəssam daha sonra 2003-cü ildə Əzim Əzimzadə adına Rəssamlıq Kollecinə daxil olub. Hazırda o, kollecin 4-cü kursunda tahsil alır.

Yaradıcılığa başladığından bu vaxta qədər Vasif bir çox rəsm yarışlarında uğurla çıxış edib. Gənc rəssam ilk dəfə gücünü 2000-ci ildə Sabunçu rayonunda uşaqlar arasında keçirilən rəssamlıq sərgisində sınayıb. Bu yarışmada o, müsabiqənin birinci mükafatını qazanıb.

2002-ci ildə vətənpərvərliyə həsr olunmuş müsabiqədə "Ana oğul" kompozisiyası ilə iştirak edən gənc rəssam bütün rəqiblərini üstələyərək müsabiqənin birinci yerinə layiq görülüb. Daha sonra rəssam narkomaniyaya qarşı mubarizəyə həsr olunmuş sərgidə ilk on mükafatçı sırasında özünə yer alıb. 2004-cü ildə Sabunçu rayonunda məktəblilər arasında keçirilən rəsm sərgisində 2-ci yeri qazanan gənc rassamın ölkə daxilindəki uğurları qeyd etdiklərimizlə məhdudlaşmır. O, hələ adını çəkmədiyimiz bir çox müsabiqələrdə qaliblər sırasında olub.

Vasif bir çox beynəlxalq yarışmalardan da kənarda qalmayıb. Beynəlxalq müsabiqələrdə gücünü ilk dəfə 2001-ci ildə Turkiyədə təşkil olunan Ümumdünya Usaq Gününə həsr olunan rəsm yarışmasında sınayan Vasifin iştirakçısı olduğu nəfərlik komanda uğurlarını yeniləyərək mükafatçılar sırasında birinciliyi qazanıb. Daha sonra onun "Dünya uşaqların gözü ilə" adlı kompozisiyası YUNESKO xətti ilə

ABŞ-da keçirilən beynəlxalq sərgiyə göndərilib. Burada da Vasifin əl işi müsabiqəyə təqdim olunmuş əsərlər içərisində birinci yera layiq görülüb.

Vasif daha çox rəssamlığın portret, kompozisiya peyzaj janrlarına üstünlük verir. O, əsərlərini yağlı boya qrafika üslubunda işləyir. Hazırda o, Azərbaycanın yaralı yeri olan Qarabağ mövzusuna həsr olunmuş əsər üzərində çalışır. Rəssam bu əsərdə yağı düşmənin tarixi torpaqlarımıza göz dikməsini, günahsız insanların göz

yaşlarını, dədə-baba torpaqlarından didərgin düşmüş qaçqın məcburi köçkünlərimizin torpaq niskili ilə bağlı hisslərini kağız üzərinə köçürmək istəyir.

Vasifin arzularından biri doğma Azərbaycanımızda öz rasmlərindən ibarət sərgi açmaqdı. O inanır ki, yaxın vaxtlarda bu arzusunu reallığa çevirəcək.

 

Şərq.- 2006.- 12 dekabr.- S.14