Fransa Mədəniyyət Mərkəzində "Axtaran baxışlar" adlı fotosərgi açılıb

Fransanın Azərbaycandakı səfirliyi və Bakıdakı Fransa Mədəniyyət Mərkəzi azərbaycanlı fotoqraf Rəna Əfəndinin "Axtaran baxışlar" adlı fotosərgisini təşkil edib. Sərgi Fransa Mədəniyyət Mərkəzində açılıb. Fransanın Azərbaycandakı səfirliyinin mətbuat xidmətindən APA-ya verilən maəlumata görə, gələn il yanvarın 18-dək davam edəcək sərgidə R.Əfəndinin Qafqazda gedən iqtisadi, sosial və mədəni dəyişikliklərə həsr olunmuş fotoları nümayiş etdiriləcək. Fotoqrafın əsərlərində, munaqişələrin qurbanı olan, məhru-miyyətlərə məruz qalan insanların ağır həyatı ön planda dayanır. Qeyd edək ki, 29 yaşlı fotoqraf bu sənət üzrə San-Fransiskoda "5 croix" beynəlxalq fondunun mükafatını alıb, Azərbaycanda "ilin foto ustası" adına, 2006-cı ildə "Getti və Ciakomelli" mükafatına layiq görülüb. R.Əfəndinin əsərləri müxtəlif illərdə Fransada keçirilən festivallarda uğurla nümayiş etdirilib.

525-ci qəzet.- 2006.- 8 dekabr.- S.7.