Dövlət Statistika Komitəsinin binasında ümumilli lider Heydər Əliyevin büstü açılmışdır

Dekabrın 11-də Dövlət Statistika Komitəsinin (DSK) yeni təmirdən çıxmış binasının birinci mərtəbəsində ümummilli lider, müasir Azərbaycan dövlətinin memarı və qurucusu, ölkəmizin tarixində və xalqımızın yaddaşında əbədi yaşayacaq Heydər Əliyevin büstünün açılışı olmuşdur.

Büstün açılışını bildirən lent kəsilmiş, üzərindəki ağ örtük götürüldükdən sonra abidə onünə gül dəstələri qoyulmuşdur.

DSK-nın sədri Arif Vəliyev ulu öndərin hakimiyyətdə olduğu dövrlərdə ölkə həyatının bütün sahələri ilə yanaşı, dövlət statistikasına da xüsusi diqqət göstərdiyini konkret faktlarla əsaslandırmışdır. O vurğulamışdır ki, abidı statistika işçilərinin görkəmli dövlət xadimi Heydər Əliyevin ölməz xatirəsinə ehtiram əlaməti olaraq ucaldılmışdır.

Milli Məclisin komissiya sədrləri - akademikləri Ziyad Səmədzadə, Milli Elmlər Akademiyasının müxbir üzvü Nizami Cəfərov ulu öndərin ölkəmizin iqtisadiyyatının və sosial həyatının güzgüsü kimi həmişə statistikada dəqiqliyə və operativliyə xüsusi önəm verdiyini və bu sahədə çalışanların əməyini yüksək qiymətləndirdiyini xatırlatmışlar.

Dünya söhrətli siyasi xadim Heydər Əliyevin doğma Vətəni və xalqı qarşısında əvəzsiz xidmətlərindən danışan natiqlər ulu öndərin çox boyük uzaqgöranliklə müəyyən etdiyi siyasi kursun bu gün Prezident İlham Əliyev tərəfindən uğurla davam etdirilməsini diqqətə çatdırmışlar. Əminliklə bildirilmişdir ki, Heydər Əliyevin müəyyən etdiyi siyasi xətt xalqımızı xöşbəxt gələcəyə qovuşduracaqdir.

Respublika.- 2006.- 12 dekabr.- S.9.