Nazir fəxri adlara qarşıdır

 

Əbülfəs Qarayev: Fəxri adların verilməsi tədricən aradan qalxmalıdır

 

Mədəniyyət Turizm naziri APA-ya müsahibəsində bir çox sənət adamlarının ittihamlarına cavab verib.

Bu gün kiməsə fəxri ad verilməyibsə, bundan faciə düzəltmək lazım deyil

- Gələn ilin dövlət büdcəsindən mədəniyyət sahəsinə ayrılan vəsaitin miqdarı sizi qane edirmi?

- Siz istənilən dövlət orqanının başçısından büdcənin onu qane edib-etmədiyini soruşsanız, yəqin ki, mənfi cavab alacaqsınız. Cünki həyata keçirməyi nəzərdə tutduğumuz layihələr çox böyük maliyyə vəsaiti tələb edir. Amma keçən illə müqayisədə bəzi sahələrə ayrılan vəsaitin həcmi artıb ki, bu da bizə uğurlu layihələrin həyata keçirilməsinə imkan verəcək.

- Bu gün tanınan mədəniyyət xadimlərinin bir çoxları mədəniyyət sahəsinə ayrılan diqqətdən, o cümlədən fəxri adların verilməsindən narazıdırlar. Nazir olaraq siz bu narazılıqları haqlı sayırsınızmı? Ümumiyyətlə, fəxri adlar verilməlidirmi?

- Mənim fikrimcə, müasir dünyada fəxri adların verilməsi məsələsi tədricən aradan qalxmalıdır. Biz fəxri adlara layiq görülmüş bütün insanlara hörmətlə yanaşmalıyıq. Amma bu o demək deyil ki, fəxri adlara layiq görülməyən incəsənət xadimlərinə biganə yanaşılıb, onları ikinci dərəcəli adamlar hesab etməliyik. Bu tamamilə yalnış münasibət olardı. Hər bir incəsənət xadiminin mədəniyyətin inkişafına öz töhfəsi var, özünə münasib yeri var. Fəxri adların verilməsi ilə bağlı qərar dövlət başçısına məxsus olur, onun qərarı barədə hansı mədəniyyət işçisinə ad verilməsi barədə sual olunmamalıdır. Bu gün kiməsə fəxri ad verilməyibsə, bundan faciə düzəltmək lazım deyil, Azərbaycan dövləti mənim üçun bütün mədəniyyət xadimləri eyni bərabər hüquqlara malik insanlardır.

Fərhad Bədəlbəyli, Arif Məlikov, Habil Əliyev mədəniyyət sahəsinə, xüsusilə peşəkar gənclər, sinifonik klassik musiqiyə ayrılan diqqətə narazılıqlarını bildiriblər. Onların fikri ilə razısınız?

- Xeyr, razı deyiləm. Günah onların özlərindədir. Biz bütün ictimai təşkilatların maraqlı təkliflərini dəstəkləyirik, gənc yaradıcı insanlar üçün xüsusi mükafatları təsis etmişik. Gənclərin əsərlərini Dövlət Simfonik Orkestrində çaldırırıq, onları proqrama daxil edirik, yaradıcı gəncləri kəşf edirik. Biz bundan artiq etməliyik? İndiyə qədər olmayan bir etmişik, ancaq bu gün istedadlı gəncləri xarici ölkələrə təcrübəyə göndəririk. Gənc bəstəkarlar əsərlər yazır, əgər əsərlər həqiqətən yaxşıdırsa, biz onları dövlət tərəfindən həm alırıq. Bu narazılığın konkret bir ifadəsi olmalıdır. Kimsə mənim ona salam verməməyimdən narazıdırsa, üzr istəyirəm. Kimsə hansısa münsiflər heyətini quran ilə razılaşmırsa, onlara bildirməliyəm ki, bu, münsiflər heyətindən özlərindən aslıdır. Ona görə mən heç kimdən üzr istəməli deyiləm. Kim istedadını nümayiş etdirməyə hazırdırsa, onun üçün bütün qapılar açıqdır.

- Azərbaycanda xüsusi mədəniyyət telekanalının açılması barədə təkliflər səslənir. Siz buna ehtiyac duyursunuz?

- Bu gün Azərbaycanda Rusiyada fəaliyyət göstərən kimi mədəniyyət kanalının olması o qədər vacib deyil, çünki bizdə o qədər material da yoxdur. Biz bütün telekanalların rəhbərlərinə Azərbaycan mədəniyyəti mənəviyyatın qorunması naminə saziş imzalamışıq. Bu sazişə uyğun olaraq bütün telekanallar bizimlə əməkdaşlıq edir, artıq ilkin layihələr efirə çıxır.

- Sizin fikrinizcə, mədəniyyət telekanalının açılması Azərbaycanda vaxta reallaşa bilər?

- İki-üç ilə. Ondan tez bu layihənin gerçəkləşməsi mümkün deyil.

- Niyə? Mədəniyyət Turizm Nazirlrliyinin vebsaytı yoxdur?

- Mədəniyyət Turizm Naziriliyinin vebsaytı var, ancaq köhnədir. Biz indi yenidənqurma işləri aparırıq. Bizim turizmlə bağlı da ayrıca saytımız var. Biz bu saytların hamısını bir mərkəzdən idarə olunmuş qaydada yenidən qurulması ilə məşğuluq.

- Bu il dekabrın 28-də xalq artisti Zeynəb Xanlarovanın 70 yaşı tamam olur. Onun 70 illik yubileyinin keçirilməsi gözlənilirmi?

- Zeynəb Xanlarovanın yubileyi bayramlar ərəfəsinə düşdüyü üçün gələn il qeyd olunacaq. Biz onun özündən təşəbbüs gözləyirik. Zeynəb Xanlarova Azərbaycanın mədəniyyəti üçün çox dəyərli bir şəxsdir, ona şəxsiyyət kimi böyük hörmətim var.

- Gələn il uçün mədəniyyət sahəsində hansı yeni qanunların qəbulu gözlənilir?

- "Teatr haqqnda" qanunun qəbulu gözlənilir. Ondan sonra biz tədricən mədəniyyətlə bağlı digər qanunlarda labüd dəyişikliklər haqqında məsələ qaldıracağıq. Çünki artıq 1998-99-cu illərdə qəbul olunmuş qanunlarda bu günkü gerçəkliklər arasında ziddiyyət yaranıb. "Şou-biznes haqqında" qanunun da qəbulu yavaş-yavaş zərurətə çevrilir.

 

Azadlıq.- 2006.- 26 dekabr.- S. 12.