Yoxlama» filmi «Qran-pri» alıb

Kinorejissor Vaqif Mustafayevin ekranlaşdırdığı «Yoxlama» filmi mükafat alıb. Moskvada keçirilən beynəlxalq kinofestivalda iştirak edən ekran əsəri ölkəyə «Qran-pri» ilə qayıdıb. Filmdə baş polu əməkdar artist Səidə Quliyeva ifa edir. Aktrisanın sözlərinə görə, müxtəlif ölkə kinematoqrafiyaçılarının qatıldığı festivalda «Yoxlama» filmini beynəlxalq münsiflər heyəti qiymətləndirib: «Mən özüm festivala gedə bilmədim. Eşidəndə ki, «Qran-pri» almışıq, çox sevindim. Ümumiyyətlə, 2006–cı il mənim üçün «festivallar ili» kimi yadda qaldı. Bundan öncə Akademik Dram Teatrı ilə birgə bir neçə festivallarda olmuşam». Səidə xanım əlavə etdi ki, təzə ilə bir neçə yeni obrazla qədəm qoyacaq. Hansı rollarla? Bax, bunu o, hələlik sirr saxladı…

Gündəlik Azərbaycan.-2006.-23 dekabr.-S.13.