Arifoğlu N.

 

Nəcibə Məlikovanın 85 illiyi qeyd olundu

 

Ötən gün Dövlət Film Fondunda aktrisa Nəcibə Məlikovanın 85 illiyinə həsr olunmuş tədbir keçirildi. Mərasim istirakçılarını salamlayan Fondun direktoru Cəmil Quliyev olmaz sənətkar N.Məlikova ilə bağlı xatirələrindən danışdı. "Sözün əsl mənasında korifey sənətkarımız Nəcibə xanım cismən dünyadan getsə də onun ruhu bizimlədir. Şəxsən mənim sənətə gəlməyimdə onun böyuk rolu olub. Və mən hər zaman buna görə Nəcibə xanıma minnətdaram."

Tədbirdə dahi sənətkarın müxtəlif rollarda oynadığı kinofilmlərdən qısa fraqmentlər nümayiş etdirildi. Xalq artisti, kinoşünas Aydın Kazımzadə isə aktrisanın oynadığı rollardan söz açdı. "Ümumiyyətlə, istər kino, istərsə də teatr səhnəsində elə aktyorlar olur ki, onlar ilk çıxışlarında tamaşaçı diqqətini özunə yönəldə bilirlər. Nəcibə Məlikova da məhz bu cür sənətkarlardan idi. İnanıram ki, o daim tamaşacıların xatirində yaşayacaqdır."

Tədbirdə iştirak edən millət vəkili, akademik Ziyad Səmədzadə də aktrisanın həyat və yaradıcılığından danışdı. Xalq artisti Telman Adıgözəlov isə aktrisanın şəxsi keyfiyyətləri ilə bağlı bəzi məqamlara toxundu.

Rejissor Ramiz Əzizbəyli da aktrisa haqqında xos sözlər dedi: "Nəcibə xanımın oynadığı bütün rollar tamasaçılar arasında böyük maraq doğursa da, "ögey ana" obrazı bu rollar içərisində xüsusi çəkiyə malikdir. Həmin vaxt onun yaratdığı bu obraz insanlar tərəfindən bö­yük rəğbətlə qarsılandı və bir növ "ogey ana" anlayışına yumsaqlıq gətirdi. Məhz bu rolun sayəsinda neçə-neçə ailə xoşbəxt oldu. Bütün bu amillər isə bir daha Nəcibə xanəmın nə qədər böyük sə­nətkar olmasını sübut edir." Xatırladaq ki, 1921-ci ildə Bakının Buzovna qəsəbəsində, ziyalı ailəsində anadan olan Nəcibə Məlikova Bakı Teatr Texnikumunda təhsil alıb. Sonra isə bir müddət Gəncədə işləyib. N.Məlikova 40-cı illərin ortalarından kino sənətinə gəlib.

İki sahil.- 2006.- 9 dekabr.- S.6.