Turanə

 

Nəcibə Məlikovanın xatirəsi yad olundu

 

Nəcibə Məlikovanın xatirəsi yad olundu. O, "Qanun naminə", "Üzeyir ömrü", "Aygün", "Arşın mal alan", "Əhməd haradadır", "Fətəli Xan", "Bakının işıqları", "Leyli Məcnun", "Ögey ana" kimi bu gün sevilərək izlənilən filmlərdə rol alaraq, tamaşaçıya böyük ustalıqla aktyor peşəkarlığını çatdırıb. 1992-ci ilin iyul ayında dünyasını dayişən Nacibə xanım milli kino sənətinə əsil Azərbaycan qadınının obrazını gətirmişdi.

Dünən Dövlət Film Fondunda aktrisanın 85 illik yubileyi qeyd olundu. Tədbirdə Nəcibə xanımın sənət dostları, yaxınları onu sevənlər iştirak edirdi. Fondun direktoru, rejissor Cəmil Quliyev Nəcibə xanımın Azərbaycan teatr kino sənəti tarixində yaratdığı qeyri-adi obrazlardan, həyat yaradıcılığından, eləcə onunla bağlı xatirələrindən danışdı. Kinoşünas Aydın Kazımzadə aktrisanın oynadığı filmlərin hər birinin Azərbaycan kinosunun qızıl səhifələrinə həkk olunduğunu söylədi. "Nəcibə Məlikova yaddaqalan qadın obrazlarının yaradıcısı idi. O, gözəl aktrisa olmaqla yanaşı, qətiyyətli mərd bir xanım idi. Bu xüsusiyyətlərinə görə , yaşından asılı olmayaraq, bir çox insanın məhəbbətini qazanmışdır.

Millət vəkili Ziyad Səmədzadə isə Nəcibə xanımla bağlı uşaqlıq xatirələrindən danışıb. "0, anamın əmisi, Azərbaycanın klassik şairlərindən biri olan Haşım bəy Saqibin qızı idi. Ziyalı ailədə böyüdüyündən olduqca mədəni kamil bir insan idi. Mən onun həm sənətinin, həm özünün vurğunu idim. Nəcibə xanımın istər kino, istərsə teatr sənətində əvəzolunmaz yeri var. Onun yaratdığı obrazlar Azərbaycan milli kino sənətinin sərvətlərindəndir". Millət vəkifi bu günlərdə Milli Məclisdə qəbul olunması gözlənilən Teatr Haqqında Qanunun unudulan sənətkarların adlarının əbədiləşdirilməsində böyük rol oynayacağını da dedi. "Nəcibə xanımda ilahi töhfəsi olan gözəllik vardı. Onun qəlbi siması tək gözəl idi. Hər zaman xanım-xatınlığı ilə seçilər, zövqlə geyinərdi". Nəcibə xanım xalq artisti Telman Adigözəlovun xatirində məhz bu obrazla qalıb.

Səhnəmizin sevilən aktyorları Muxtar Manıyev, Həmidə Ömərova, Səidə Quliyeva, Rafiq Əzimov Nəciba xanımın Azərbaycan Milli Dram Teatrındakı fəaliyyətindən, xüsusən gənclərə olan qayğı diqqətindən, kineoperator Şərif Şərifov isə aktrisayla birgə işlədiyi iki filmin kadrarxası maraqlı səhnəlarindən danışdı.

 

Yeni Azərbaycan.- 2006.- 9 dekabr.- S.8.