Arif Məlikovunyaradıcılıq gecəsi

Bəstəkarın mahnıları və irihəcmli əsərisəsləndirilib

Dekabrın 19-u Muğam Teatrında SSRİ Xalqartisti, bəstəkar Arif Məlikovun yaradıcılıq gecəsi keçirilib. Muğam Teatrının direktoru Arif Qazıyev, Bəstəkarlar İttifaqının məsul katibi, musiqişünas Lalə Hüseynova, akademik Adilə Namazova, bəstəkarlar Şəfiqə Axundova, Ramiz Mustafayev, "Xəzər" Universitetinin rektoru Hamlet İsaxanlı və başqaları bəstəkarın həyat və yaradıcılıq yolundan bəhs ediblər, xatirələrini bölüşüblər.

Gecənin musiqili hissəsində Arif Məlikovun "Yaşatdın məni", "Çıx yaşıl düzə", "Gəl bizim dağlara", "Günəş ürəkli" və bir çox məşhur mahnıları səsləndirilib. Xalq artistləri Nəzakət Teymurova, Ramiz Quliyev, Əməkdar artist Rəşidə Behbudovavə digər sənətçilər bəstəkarın bu və kinofilmlərə yazdığı əsərləri ifa ediblər. Gecənin sonuna yaxın isə bəstəkarın irihəcmli əsərlərindən biri pianoda ifa olunub.

Xalq cəhbəsi.-2006.-21 dekabr.-S.15