Məmmədhəsən

4 saylı incəsənət məktəbində böyük inkişaf var

Təhsil ocağının 40 illik yubileyi keçirilib

Binə qəsəbə 24 saylı uşaq musiqi məktəbinin direktoru Faiq Quliyev öz xatirələrindən söhbət açıb. O, qeyd edib ki, mən ilk əmək fəaliyyətimi 19 saylı uşaq musiqi məktəbində başlamışam. Mən çox şadam ki, bu gün işlədiyim məktəbin 40 illik yubileyini qeyd edirlər.

Bakı şəhər Mədəniyyət və Turizm idarəsinin rəisi, əməkdar incəsənət xadimi Həsənağa Qurbanov çıxış edərək qeyd edib ki, mənim 5 illik Bakı şəhər Mədəniyyət idarəsinin rəisi vəzifəsində işlədiyim vaxtdan indiyə kimi Bakı kəndlərinin uşaq musiqi və incəsənət məktəblərinə həddən artıq qayğılarım göz qabağındadır. Bakı şəhər Mədəniyyət idarəsində olan mebel dəstləri Buzovna qəsəbə 4 saylı uşaq incəsənət məktəbində də vardır. Buzovna 4 saylı uşaq incəsənət məktəbi heç də şəhər məktəblərindən fərqlənmir. Bunun da səbəbi vardır. Respublikamızın prezidenti İlham Əliyev həmişə mədəniyyətə, təhsilə, səhiyyəyə diqqətlə yanaəşır. Onun xidmətlərinin sayəsində Bakı şəhər uşaq musiqi məktəbləri günü-gündən inkişaf edir. Respublika mədəniyyət və turizm naziri Əbülfəs Qarayevin xidmətlərini alqışlamaq, lazımdır. Nazir ( Bakı şəhər uşaq musiqi məktəblərinin direktorları ilə görüş təşkil etdi. Bizim ürək sözlərimizi eşidib, dinlədi. Buzovna qəsəbəsi 4 saylı incəsənət məktəbinin şagirdlərinin çıxışı sübut etdi ki, bu məktəbdə böyük inkişaf var. Buzovna qəsəbasindən öz şöhrəti ilə ad qazanan, uzun illər Asəf Zeynallı adına Musiqi Texnikomunun müəllimi işləmiş Nrəiman Əliyev, Kamil Cəlilov, Arif Əsadullayev, aktyor Mirzə, kaman ustası Mirnazim kimi sanatkarlar yetişmişdir. Hal-hazırda gənc nəsillər belə sənətkarların davamçılarıdır. Buzovna qəsəbə 4 saylı incəsənət məktəbinin direktoru 70-ci illərdə kaman ustası kimi ad qazanmış. Yusif müəllimin əməyini həmişə qiymətləndirmişik. Bakı şəhər Mədəniyyət və Turizm idarəsi tərafindən 4 saylı incəsənət məktəbinin bir qrup müəllimlərini yaxşı işlədiklərinə görə və məktəbin yubileyi münasibəti ilə fəxri fərmanla və pul hədiyəsi ilə mükafatlandırırıq. Mən bir daha məktəb müəllimlərimi, şagirdləri, valideynləri 4 saylı incəsənət məktəbini yubiley münasibətilə təbrik edib onlara can sağlığı arzu edirəm. Biz məmurların vəzifəsi isə dövlətimizə layiqli qulluq etməkdən ibarətdir.

Fürsətdən istifadə edib yubileydə iştirak edan bir qrup ziyalılardan müsahibə aparmağı özümə borc bildim. İlk öncə A.Zeynallı adına Musiqi Kollecinin direktoru Nazim müəllimə yaxınlaşdım.- Nazim müəllim, bu gün siz Buzovna qəsəsbə 4 saylı incəsənət məktəbinin yubileyində iştirak etdiniz. Şagirdlər böyük konsert verdilər. Siz musiqi kollecinin direktoru kimi hansı təəssüratlarla ayrılırsınız?

- Çox yaxşı təəssüratla ayrıldım. Ona görə ki, bu məktəblə mənim çoxdan tanışlığım var. Hər il o məktəbin məzunlarından bizim məktəbə qəbul olunurlar. QIXIS edənlərdən Kifayət, Mətanət Dadaşova bacıları bizim kollecin məzunlarıdırlar. Sonra Ülviyyə Rəhimova, Rəşad Babayev də bizim məzunlarıdırlar. Buzovna incəsənət məktəbinin direktoru Yusif müəllim ancaq güclü kadrların bizə yönəldir. İstedadı olanların hamısı gəlib qəbul olunurlar. Geri qayıdan olmayıb. Buzovnadan 20-yə kimi tələbələr bizim məktəbdə təhsillərini davam etdirirlər. Konsertdə iştirak edən şagirdlərin istedadları bizi valeh etdi. Biz belə istedadlı uşaqların gələcəyinə ümid bağlayırıq və uğurlar arzulayırıq.

Vaqif Mustafazadə adına incəsənət məktəbinin müəllimi Akif Quliyev:

- Mən 37 il Mərdəkan qəsəbəsində 17 saylı uşaq musiqi məktəbində direktor vəzifəsində çalışmışam. Buzovna uşaq musiqi məktəbi Mərdəkan uşaq musiqi məktəbinə yaxındır. Biz həmişə Yusif müəllimlə həmrəy olmuşuq. Bütün konsertlərdə bir yerdə çalışmışıq. Mən deyə bilərəm ki, Buzovna 4 saylı incəsənət məktəbi ildən ilə yaxşılaşır. Sağ olsun Yusif müəllim. Çox gözəl kollektiv yaradıb. Uğurlar arzulayıram.

Mədəniyyət və Turizm Nazirliyi Elmi Metodik Mərkəzin müdiri. Seyid Hacıyev:

- Biz bu konsertdan xoş təəssüratla ayrılırıq. Bu məktəbin 40 illiyinin 36 ili mənim gözlərimin önündə keçib. Şagirdlər əvvəl də var idi.

Lakin bu son ildə Buzovna 4 saylı incəsənət məktəbinin uğurları bizi həddən artıq sevindirir. Şagirdlər musiqini elə gözəl ifa etdilər ki, mənim uçmağa qanadım yox idi. Sağ olsun məktəbin direktoru Yusif müəllim. Ümumiyyətlə, Bakı uşaq musiqi və incəsənət məktəblərinin son illər uğurları biz mütəxəssisləri çox sevindirir. Bunun da əsas səbəbi vardır. Səbəb odur ki, Bakı Şəhər Mədəniyyət və Turizm idarəsinin rəisi Həsənağa Qurbanov sırf musiqişünas direktordur. Bütün məktəblərin konsertində iştirak edir. Konsertdən sonra həmin konserti təhlil edir. Kim necə gəldi, necə oxudu. Həsənağa müəllimin iradından sonra ikinci dəfə istər müəllim, istərsə də şagird öz səhvlərini düzəldir. 5 il qabaq belə istedadlı şagirdlər yox idi. İndi elə bil ki, şagirdlər 360 dərəcə dəyişiliblər. Harda tələbkar rəhbər varsa, orda mütləq işlər öz qaydasında gedəcəkdir. Mən məəttəl qaldım. Belə şagirdləri olan müəllimlərə eşq olsun deyirəm. Sağ olsun Həsənağa müəllim ki, 5 ildə əziyyəti puç olmadı. Həsənağa müəllim çox tələbkar rəhbərdir. O ki, Bakı Şəhər uşaq və incəsənət məktəblərini ön cərgəyə ki, çıxartdı. Mən ona halal olsun deyirəm. Mən də öz növbəmdə bütün kollektivi təbrik edirəm.

Bakı Şəhər Mədəniyyət və Turizm idarəsinin rəis müavini Novruz Aydəmirov:

- Bu uşaqların belə böyüməsi mənim gözlərimin qabağında olub. Məktəbin açılması da mənim xatirəmdədir. Məktəb il-ildən inkişaf edir. Mən inanıram ki, o boyda kollektivlə bundan sonra da daha yaxşı tədbirlər keçirəcəklər. Uşaqların çıxışı göz qabağında oldu. Mən bütün müəllimləri şagirdləri təbrik edirəm. Bayram ərəfəsində şagirdlərin sevinci bizim sevincimizdir.

Maştağa qəsəbə 10 saylı uşaq musiqi məktəbinin direktoru Qafar Nuriyev Maştağa kəndi ilə Buzovna kəndi qonşudurlar. Buzovna məktəbinin sevinci Maştağa məktəb kollektivinin sevincidir. Bu gün Buzovna 4 saylı uşaq incəsənət məktəbinin 40 illik yubileyinə Maştağa kənd əhalisi də iştirak etməyə gəliblər. Yusif müəllimin əməyi bütün zalda oturan iştirakcıları sevindirir. Sag olsunlar.

Hövsan qəsəbe 21 saylı uşaq musiqi məktəbinin direktoru Mətləb Babayev:

- Biz bu tədbirə baxanda sevindik. Bu məktəbin uğurları bizim uğurumuzdur. Onların bu çıxışı bizə örnəkdir. Mən də 37 saylı uşaq musiqi məktəbinin kollektivinin adından yubiley münasibətilə 4 saylı uşaq incəsənət məktəbinin kollektivini təbrik edirik. Arzu edirik ki, bundan da yaxşı çıxışlar etsinlər.

Azad Azərbaycan.- 2006.- 24 dekabr.- S. 6.