Xatun

Konstantin Raykinin «Üns» teatrında monotamaşası

Kontrabasçı: "Musiqi alətini həm sevirəm, həm də ağır bir yük kimi ona nifrət edirəm "

Dekabrın 7-də "Üns" Teatrın yeni proqramını təqdim edib.

Telekanallardakı anonslardan bəlli olduğu kimi, həmin gün Rusiyanın xalq artisti, iki dəfə "Qızıl maska" mükafatı, Stanislavski, "Büllur Turandot" və "Kumir" mükafatları laureatı, "Satirikon" Teatrının bədii rahbəri Konstantin Raykinin iştirakı ilı "Kontrabas" adlanan monotamaşa nümayiş etdirilib. Qeyd edək ki, aktyorun yazıçı Patrik Zyuskinin pyesi əsasında hazırladığı monotamaşa 1999-cu ildə moskvalı rejissor Yelena Nevejina tərəfindən səhnəyə qoyulub. Artıq bir neçə ölkənin səhnəsində nümayiş etdirilən və böyük rəğbətlə qarşılanan "Kontrabasçı" Azərbaycanın teatr səhnəsində də göstərildi. Xatırladaq ki, bu tamaşaya görə aktyor "Qızıl maska" mukafatına layiq gorülüb. Çıxışından sonra mətbuat işçiləri ilə görüşən Konstantin Raykin, eyni zamanda, Moskva Dövlət Orkestrinin musiqiçisi olduğunu qeyd etdi. Kontrabasçı bildirdi ki, o, orkestrdə üçüncü skripkadan sonrakı yeri tutur. O öz musiqi alətini həm sevdiyini, həm də ağır bir yük kimi ona nifrət etdiyini zarafatla bildirdi: "Hər çıxışım zamanı tamaşaçı salonu ilə təkbətək qalıram. Çalışıram ki, iddialı və ağıldankəm bir cılız adamın obrazını olduqca təsirli yaradım".

Ayna.- 2006.- 9 dekabr.- S.19.