Vətənpərvərlik mahnısı festivalına yekun vurulmuşdur

Dekabrın 14-də Dövlət Musiqili Komediya Teatrında Gənclər və İdman Nazirliyinin təşkilatçılığı ilə keçirilən "Hünər" II vətənpərvərlik mahnısı festivalının qaliblərinin yekun konserti və mükafatlandırılması mərasimi olmuşdur.

Konsertdən əvvəl Gənclər və idman naziri Azad Rəhimov laureatları təbrik edərək bildirmişdir ki, festival gənclərimizin ən yaxşı keyfiyyətlərini üzə çıxarmışdır. O, gənclərə 2007-ci ildə yeni uğurlar və yaradıcılıq qələbələri arzulamışdır.

Festival "Azərbaycan gəncliyi Dövlət Proqramı (2005-2009-cu illər)" çərçivəsində təşkil olunmuşdur. Seçmə müsabiqə dekabrın 13-14-də "Gənclik" Beynəlxalq Turizm Mərkəzində iki mərhələdə keçirilmişdir. Müsabiqədə 30 istirakçı mübarizə aparmışdır.

Birinci yerə Cavahir Abdulova (Suraxanı rayonu), ikinci yerə Rafael Cəfərov (Yasamal rayonu) layiq görulmüşlər. Birinci yeri Şəkili Elvin Əhmədov tutmuşdur. Qaliblər fəxri fərmanlarla və hədiyyələrlə mükafatlandırılmışlar.

Sonda Azərbaycan estradası artistlərinin iştirakı ilə konsert olmuşdur.

Respublika.- 2006.- 15 dekabr.- S.4.