Ramilə

 

"Əmir Əmioğlu" teatra qayıtdı

Məcnun Hacıbəyovu yenə səhnədə görəcəyik

 

Əməkdar artist Məcnun Hacıbəyov 37 il şaşdığı doğma teat tərk etməyə məcbur olanda həmkarlandan heç kim onun müdafiəsinə qalxmadı.

Bu sətirlərin müəllifi o zaman mətbuatda belə bir başlıqlı yazı dərc etdirdi - "Əmir Əmioğlu teatrdan da getdi, Bakıdan da". Yenə bir reaksiya olmadı. Bu günlərdə xalq artisti Yaşar Nurinin televiziya çıxışında təsadüfən bir söz diqqətimi çəkdi: "Gözəl aktyorumuz Məcnun Hacıbəyovun teatra qaytarılması alqışlanmalı hərəkətdir, onu qaytardıq". Qələbənin atası barədə çox eşitmişik, mağlubiyyətə yiyə duran olmadığını da bilirik, amma yenə içimizdə bir sual doğdu, bəs, onu teatrdan uzaqlaşdıranlara qarşı niyə etiraz səsi ucaltmamışdınız? Məcnun Hacıbayovun boyük sənətkar olması barədə iddia qaldırmaq fikrindən uzağıq, bu aktyorun özünəməxsus, xırda da olsa yaddaqalan rolları vardı.

Bu dəfə Akademik Milli Dram Teatrına gedəndə Məcnun Hacıbayovu böyük həvəslə yeni tamaşada gənclik havası ilə maşq edən gördüm.

Getməyindən danışdı: Çıxıb getmişdim, ümumi mühitdən, dövrandan incimişdim. Yoldaşım rəhmətə gedəndən sonra həyatım

alt-üst oldu, yaşamağa yerim də yox idi. Çox düşünüb ərizə yazıb getdim rəhmətlik Həsənağa Turabovun yanına. Dedim ki, məni işdən azad elə çıxıb gedib doğma torpağa Qubaya. Orda heç olmasa evim var. Dedi danışırsan, sən repertuarda 8 tamaşada varsan yerini kim tutacaq? Qalmağa yerim olmadığını eşidəndə kişinin gözləri doldu. Teatrda bir otaq ayırdı. Mümkün olan şəraiti yaratdı. İl yarım yaşadım teatrda. Sonra Həsənağa müəllim rəhmətə getdi teatra rəhmətlik Əlabbas Qadirov bədii rəhbər təyin olundu. İftixar Piriyev inzibatçı direktor. Bir gün məni çağırdılar ki, otağı boşalt. Dedim onda gərək teatrdan birdəfəlik gedəm, çünki qalmağa yerim yoxdur, işdən çıxardın gedim Qubaya. Hər gün üstümə adamlar göndərdilər ki, otağı boşalt. İftixar mənə bunun ona

yuxarıdan tapşırıldığını dedi  öyrəndim, dedilar ki, yuxarıdan elə tapşırıq olmayıb. İftixar Piriyeva dedim ki, yalan danişmaq qorxaq adamların işidir. Səhəri gün oğlum gəlib dedi ki, kirayə tutarıq, qalma burda. Amma mənə dedilər ki, sənin rollarını başqalarına paylayırlar. İnzibatçı direktor daha mənimlə işləmək istəmədiyini dedi əsas gətirdi ki, onu təhqir etmişəm. Əlabbas müəllim sifariş elədi, gal üzr istə, qal işlə. Dedim, kişi səhv edər, amma üzr istəməz. Bir gün isə əmrim asıldı teatrın divarından. Sənədlərimi götürüb, həm teatrdan, həm Bakıdan getdim. 4 il idi Qubada yaşayırdım, elə bil teatr aləmində mən adlı aktyor olmayıb".

Tanınmış aktyorun doğma kollektivə qayıdışı isə belə olub: "Maqbet Bünyadov zəng edib çağırdı ki, gəl, yerin gorünür. İndi məni repertuara salıblar. Direktor söz verib ki, ev məsəlami həll etməya çalışacaq".

 

Gün.- 2006.- 2-8 dekabr.- S. 25.