Qazax Teatrının səhnəsində Qarışqa tələsi

 

Qazax Dövlət Dram Teatrında yazıçı-dramaturq Firuz Mustafanın "Qarışqa tələsi" pyesinin səhnə həllinə ictimai baxış keçirilib.

Qeyd edək ki, xüsusi layihə əsasında hazırlanmış tamaşanın quruluşçu reyissoru Günay Səttarova, bədii rəhbəri Əməkdar incəsənət xadimi Vaqif İbrahimoğludur.

Komediya yanrında tamaşaya qoyulan əsərdə kurort şəhərciyində baş verən müəmmalı, şən vəkədərli hadisələrdən bəhs olunur. Ər arvad arasındakı münaqişə tamaşçıları güldürməklə yanaşı, düşündürüb. "Qarışqa tələsi"ndə rolları İlqar Hacəliyev (Xanış), Nazilə Məmmədova (Amirə), Minayə İbrahimova (Delfinə), Elvin Həsənov (Boran), Züleyxa Məmmədova (qız), Zaur Məmmədov (hərbçi oğlan) Allahverdi Musayev (idmançı oğlan) ifa ediblər. Tamaşanın quruluşçu rəssamı Səyyad Məmmədov, musiqi tərtibaçısı Aybəniz Qurbanova, reyissor assistenti isəKəmalə Eyyubovadır.

Qeyd edək ki, ictimai baxışdan sonra tamaşanın müzakirəsi keçirilib. Mədəniyyət Turizm Nazirliyinin əməkdaşı Vəfa Novruzova, teatrşünas Məryəm Əlizadə, reyissor Vaqif İbrahimoğlu çıxış edərəkyeni tamaşa barədə fikirlərini bildiriblər

 

Kaspi.-2006.-21 dekabr.- S.7.