Baletimizin canlı korifeyi

Tamilla şirəliyevanin

60 illlk yubileyi qeyd olundu

Dekabrın 7-də Ölkə Prezidenti İlham Əliyev respublikanın xalq artisti Tamilla Şirəliyevaya balet sənətimizin inkişafındakı xidmətləri və 60 illik yubileyilə bağlı "Şöhrət" ordeninin verilməsi haqda sərəncam imzalayıb. Dünən isə Azərbaycan Dövlət Opera və Balet Teatrında Tamilla xanımın yubileyi qeyd olunub. Əmakdar incəsənət xadimi, Opera və Balet Teatrının direktoru Akif Məlikov Tamilla xanımın dünyanın müxtəlif ölkələrində Azərbaycan xoreoqrafiya sənətini təbliğ etməsindən və xoreoqrafiya məktəbinin inkişafındakı xidmətlarindən söz açıb.

Rima İsgəndərova, Gülağası Mirzəyev, İslam İslamov və başqa sənət adamları yubilyarın teatr səhnəsindəki yaradıcılıq fəaliyyətindən danışaraq, onu milli baletimizin canlı korifeyi kimi dəyərləndiriblər.

Tamilla Şirəliyeva ona göstərilən diqqət və qayğıya görə dövlət başçısına və tədbirdə iştirak edən hər kəsə minnətdarlığını bildirib. Qeyd edək ki, 1964-cü ildə Bakı Xoreoqrafiya Məktəbini, 1969-cu ildə isə SSRİ xalq artisti S.N.Qolovkinanın sinfini bitirən Tamilla xanım

1964-1989-cu illərdə Azərbaycan Dövlət Akademik Opera Balet Teatrının Truppasında çalışaraq, aparıcı solistlərdən olub. 25 illik səhnə fəaliyyəti dövründə isə Əfrasiyab Bədəlbəylinin "Qız qalası"nda

Gülyanaq, Qara Qarayevin “Yeddi gözəl”ində Aişə, "ildırımlı yollar"da Fietta, Fikrət Əmirovun "Min bir gecə"sində Şəhrizad, Arif Məlikovun “Məhəbbət əfsanəsi”inda Mehmanə-Banu, Niyazinin “Çitra”sında Çitra, Pyotr Çaykovskinin "Qu gölü"ndə Obetta-Odiliya, "Yatmiş gözəl"ində Mavi quş və digər balet əsərlərində əsas rolların ifaçısı olub. Tamilla xanım milli balet sənətimizi İtaliya, Fransa, Almaniya, Polşa, Rusiya və dünyanın bir sıra ölkələrində təmsil edib. 15 ildir ki, Opera və Balet Teatrında quruluşcu baletmeyster kimi çalışır. Bununla yanaşı, hazırda Bakı Xoreoqrafiya Məktəbinin bədii rəhbəridir.

Yeni Azərbaycan.- 2006.- 9 dekabr.- S.8.