Azərbaycan Dövlət Filarmoniyasında Heydər Əliyevi anım gecəsi keçirilmişdir

Tədbirdə Səudiyyə Ərəbistanı Krallığı Mədəniyyət və İnformasiya Nazirliyinin nümayəndə heyəti də iştirak etmişdir.
AzərTAc xəbər verir ki, Müslüm Maqomayev adına Azərbaycan Dövlət Filarmoniyasında ümummilli lider Heydər Əliyevi anım gecəsi keçirilmişdir.
Gecədə Üzeyir Hacıbəyov adına Azərbaycan Dövlət Simfonik Orkestri və Azərbaycan Dövlət Xor Kapellasının ifasında Dmitri Şostakoviçin, Volfqanq Amadey Motsartın və Qara Qarayevin əsərləri səslənmişdir.
Anım gecəsində Azərbaycanın mədəniyyət və turizm naziri Əbülfəs Qarayev, ölkəmizdə səfərdə olan Səudiyyə Ərəbistanı Krallığının mədəniyyət və informasiya naziri İyad ibn Əmin əl-Mədəni və onu müşayiət edən şəxslər də iştirak etmişlər.

Azərbaycan.-2006.-13dekabr.-S.6.