Azərbaycan Respublikasının
Prezidenti İlham Əliyev dekabrın 13-də Prezident
sarayında Səudiyyə Ərəbistanı
Krallığının mədəniyyət və informasiya
naziri İyad ibn Əmin əl-Mədəninin rəhbərlik
etdiyi nümayəndə heyətini qəbul etmişdir.
Dövlətimizin başçısı
Azərbaycan ilə Səudiyyə Ərəbistanı
arasında münasibətlərin
çox uğurla inkişaf etdiyini və əməkdaşlığımızın
yüksək səviyyədə
olduğunu bildirdi. O, Səudiyyə Ərəbistanına
son illər ərzində etdiyi səfərləri və keçirdiyi görüşləri
məmnuniyyətlə xatırlatdı.
Prezident İlham Əliyev nazirin bu səfərinin ölkələrimiz arasında
mədəniyyət və
informasiya sahəsində
əlaqələrin daha
da genişlənməsinə
töhfə verəcəyinə əmin olduğunu
bildirdi.
İyad ibn Əmin əl-Mədəni Səudiyyə
Ərəbistanının Kralı
Abdullah bin Əbdüləziz Al Səudun salamlarını
Prezident İlham Əliyevə çatdırdı.
O, Azərbaycana səfəri
barədə dövlətimizin
başçısına məlumat
verərək, göstərilən
qonaqpərvərliyə
görə təşəkkürünü
bildirdi. Ölkələrimiz
arasında əlaqələrin
yüksək səviyyədə
olduğunu vurğulayan
qonaq humanitar və mədəniyyət
sahələrində əməkdaşlığımızın
bundan sonra da inkişaf etdiriləcəyinə əminliyini
ifadə etdi.
Prezident İlham Əliyev Səudiyyə Ərəbistanının Kralı
Abdullah bin Əbdüləziz Al Səudun salamlarına görə minnətdarlığını
bildirdi və onun da salamlarını
Krala çatdırmağı
xahiş etdi.
Azərbaycan.-2006.-14dekabr.-S.1.