Mirkişili T.

İnformasiya texnologiyalarının inkişafına dövlət qayğısının təzahürü

İki qitənin, iki dənizin, iki mədəniyyətin, iki dinin sərhədində yerləşən Azərbaycan tarixən böyük iqtisadi-siyasi maraqların kəsişdiyi və özünün də böyük potensialı olan bir ölkədir. Bu amil bəzən dəyərləndirilmiş, çox hallarda isə bu amildən demək olar ki, istifadə olunmamışdır.

Keçən əsrin sonlarında öz dövlətçiliyini bərpa edən bu ölkənin qarşısında duran ən vacib məsələlərdən biri bu amilin düzgün qiymətləndirilməsi və ondan maksimum istifadə olmuşdur. Bu məsələlər həllini ümummilli liderimiz Heydər Əliyevin hakimiyyəti dövründə tapmışdır.

Hörmətli Prezidentimiz İlham Əliyevin hakimiyyətə gəlişi ilə ölkə iqtisadiyyatına ikinci bir nəfəs verilmiş və inkişaf iqtisadiyyatın bütün sahələrində hiss edilməkdədir.

Müasir dövrdə bütünlükdə ölkə iqtisadiyyatının inkişafını informasiya texnologiyalarsız təsəvvür etmək qeyri-mümkündür. İT sahəsi ölkələr üçün rəqabət üstünlükləri yaradan və ölkə imicini dəyişən ən mühüm amilə çevrilmişdir. Məhz bu amili yüksək qiymətləndirən cənab İlham Əliyev Cenevra sammitinda ölkəmizin İT sahəsində konkret maraqlarını ifadə etmiş, bu sahənin inkişafinın Azərbaycan xalqı və hökuməti uçün çox mühüm olduğunu ona çəkmişdir.

Biz də ölkənin aparıcı İT şirkətlərindən biri kimi, üzərimizə düşən tarixi yükü dərk edərək bu istiqamətdə keyfiyyətcə yeni və milli maraqları əks etdirən, kifayət qədər yüksək səy və dözümlülük tələb edən addımlar atmaq qərarına gəldik.

2003-cü ilin ortalarından başlayaraq ilin sonuna qədər ABŞ-ın İntel Korporasiyası, Microsoft şirkəti, ASBiSS beynəlxalq şirkəti ilə aparılan danışıqlar öz, bəhrəsini verdi. MDB və Şərqi Avropa ölkələrinin əksəriyyətinin daxil olduğu məkanda ikinci (Rusiyadan sonra),

yerləşdiyimiz coğrafi regionda Türkiyədən sonra ikinci bir layihə həyata keçirildi: Azərbaycanda milli marka (NEXUS) adı altında noutbukların (daşınan mobil komputerlarin) istehsalına başlanıldı. İlk nümunəsi tarixi an kimi hörmətli Prezidentimizə təqdim olunan NEXUS noutbuklarının buraxılışını yüksək qiymətləndirən cənab İlham Əliyev ölkə hüdudlarıın aşmağı və ixraca yönəlməyi vacib bilmişdir. Qeyd etmək istərdim ki, seçilən istiqamət kifayət qədər mürəkkəb, məsuliyyətli və riskli bir istiqamət idi. Məqsədimiz: ölkəmizin yüksək texnologiya ilə təmin olunmasını sürətləndirmək, yeni iş yerlərinin açılması, ölkəmizin İT imicini yüksəltmək, rəqəmsal bərabərsizliyin (Digital Divide) azalmasına yardım, ixracyönümlü sahələrin asasını qoymaq va s. olmuşdur.

Qısa vaxt ərzində Azərbaycan, Rusiya, Türkiyə, Orta Asiya Gürcüstan, İran bazarına test məqsədilə çıxarılan "Made in Azerbaijan" yarlıqlı noutbuklar çox maraqla qarşılandı. Ölkəmizdə qürurla və milli hisslərlə qarşılanan bu məhsullar, digər ölkələrdə real dəyərli, gözlanilməz, yüksək səviyyədə hazırlanmış, rəqabətqabiliyyətli məhsul kimi qəbul edilmişdir. Təsadüfi deyil ki, qısa müddət ərzinda (5 ay) Azərbaycan bazarının 30 faizdən çoxunu milli noutbuklar qazanmışdır. Azarbaycana artıq intensiv maraqlarını ortaya qoyan Toshiba, HP, Siemens kimi şirkətlərin narahatlıqları da buna bir sübutdur. Bu uğurlu başlanğıcdan sonra real tələbatı nəzəra alaraq bu ilin əvvəllərindən başlayaraq NEXUS stolüstü stasionar komputerlərin də istehsalına başlanılmışdır.

Azərbaycan ərazisi və əhalisi böyük olmayan bir ölkədir. Yerlaşdiyimiz coğrafi mövqe, müasir iqtisadi-nəzəri fikirlər, aparılan iqtisadi-siyasi kurs bunları deməyə imkan verir ki, bizim iqtisadi inkişafımızın strateji xətti ixracyönümlü sahələrin inkişaf etdirilməsidir. Bunun üçün lazım olan intellektual qabiliyyət, işgüzarlıq, işçi intizamı, daxili istək bizim xalqımızda movcuddur. "Asiya əjdahaları" ölkələrinin təcrübəsi göstərir ki, əhalisi və ərazisi böyük olmayan ölkələrdə ixracyönümlü sahələrin inkişafında ən böyük təkani dövlət yardimi və dəstəyi oynaya bilər. Möhtərəm Prezidentimiz İlham Əliyevin rabitə və informasiya texnologiyaları sahəsi işçilərinin peşə bayramı gününün təsis edilməsi haqqında verdiyi sərəncam bu sahəyə diqqət və qayğının təzahürü kimi qiymətləndiririk.

Milli maraqları öna çəkən, öz maraqlarımızı milli maraqlar çərçivəsində görən bir şirkət kimi, hökumətimizin dəstəyi ilə iqtisadiyyatımızı inkişaf etdirmək, ölkəmizi yeni texnologiyalar mərkəzinə çevirmək, Azərbaycan iqtisadiyyatının xaricə ekspansiya edan bir iqtisadiyyata çevrilməsini görmək istəyən, xaricə yüksək texnologiyalar ixrac edən bir ölkəyə çevrilmək va s. maraqındayıq.

Bizim əsas məqsədimiz Azərbaycan dövlətinin hərtərəfli dəstəyi və birgə səylərimiz əsasında ixracyönümlü milli istehsal strukturlarını artırmaq və yaranmış tarixi şansdan istifadə edərək ölkəmizi daha da gücləndirməkdir.

Respublika.- 2006.- 6 dekabr.- S. 3.