Müasir İncəsənət Muzeyimn yaradılması haqqında

Azərbaycan Respublikası Prezidentinin Sərəncamı

Müasir Azərbaycan rəngkarlıq, heykaltəraşlıq və tətbiqi sənətinin ən parlaq nümunələrinin daimi ekspozisiyalarda layiqincə təmsil olunmasə və nümayiş etdirilməsi məqsədi ilə qərara alıram:

1. Bakı Şəhərində Müasir İncəsənət Muzeyi yaradılsın.

2. Azərbaycan Respublikasının Mədəniyyət və Turizm Nazirliyi, Bakı Şəhər İcra Hakimiyyəti Azərbaycan Rəssamlar İttifaqı ilə birlikdə Bakı Şəhərində Müasir İncəsənət Muzeyinin yeri və layihələşdirilməsi barədə təkliflərini üç ay müddətində Azərbaycan Respublikasının Prezidentinə təqdim etsin.

3. Bu Sərəncam imzalandığı gündən qüvvəyə minir.

İlham Əliyev, Azərbaycan Respublikasının Prezidenti.

Bakı Şəhəri, 19 dekabr 2006-ci il.

Respublika.- 2006.- 20 dekabr.- S. 1.