Bakı Şəhər Prokurorluğunun əsaslı təmir olunmuş inzibati binasında xalqımızın ümummilli lideri Heydər Əliyevin büstü açılmışdır

 

İyunun 13- Bakı Şəhər Prokurorluğunun inzibati binasında görkəmli siyasi dövlət xadimi, müstəqil Azərbaycan dövlətinin banisi, xalqımızın ümummilli lideri Heydər Əliyevin büstünün açılış mərasımi keçirilmişdir.
Baş prokuror Zakir Qaralov mərasimdə çıxış edərək fenomen şəxsiyyət Heydər Əliyevin nəsillərə örnək olan şərəfli ömür yolundan danışmış, bu abidənin müdrik rəhbərimizin xatirəsinə dərin ehtiram hörmətin təcəssümü olduğunu qeyd etmişdir.
Ulu öndərin rəhbərliyi ilə həyata keçirilmış məhkəmə-hüquq islahatları nəticəsində prokurorluğun demokratik sivil bir dövlət təsisatı kimi tam yenidən formalaşdığını bildirən Z.Qaralov demişdir ki, abidənin açılışı həm prokurorluğun kollektivinin dahi rəhbərin əziz unudulmaz xatirəsinə dərin məhəbbətinin ifadəsidir.
Natiq vurğulamışdır ki, Azərbaycanın müasır tarixinin böyük bir dövrü bilavasitə Heydər Əliyevin adı fəaliyyəti ilə bağlıdır. Ulu öndərin xalqımızın tarixində taleyində ən böyük xidmətlərindən biri Azərbaycan dövlətini qurub yaratmasıdır. Görkəmli siyasi xadim, fenomen şəxsiyyət Heydər Əliyevə bütün dünyada böyük hörmət bəslənilir. Bu gün təkcə Azərbaycanda deyil, xarici ölkələrdə bu dahi şəxsiyyətə dərin ehtiramın ifadəsi olaraq şərəfinə abidələr ucaldılır, onun adını daşıyan park, prospekt, xiyabanlar salınır. Heydər Əliyevin formalaşdırdığı inkişaf etdirdiyi azərbaycançılıq fəlsəfəsi Azərbaycanın müasir dünyada xüsusi yerini müəyyən etmiş, dünya azərbaycanlılarının həmrəyliyi üçün möhkəm zəmin yaratmışdır.
Diqqətə çatdırılmışdır ki, ümummilli lider Heydər Əliyevin başladığı uğurlu iqtisadi siyasi strategiya Prezident İlham Əliyev tərəfindən müvəffəqiyyətlə davam etdirilir. Qısa zaman kəsiyində Azərbaycan regionun aparıcı dövlətinə, dünya əhəmiyyətli qlobal layihələrin həyata keçirildiyi mərkəzə çevrilmişdir. Avratlantik məkanına inteqrasiyanı, tarazlaşdırılmış xarici siyasəti rəhbər tutan Azərbaycan Cənubi Qafqazda regional əməkdaşlıq üçün olduqca mühüm lider dövlət kimi qiymətləndirilir. Ölkəmiz Bakı-Supsa, Bakı-Tbilisi-Ceyhan neft kəmərləri, Bakı-Tbilisi-Ərzurum qaz kəməri, Avropa və Asiyanı birləşdirən TRASECA, Bakı-Tbilisi-Qars dəmir yolu kimi enerji nəqliyyat layihələrinin həyata keçirilməsində mühüm rol oynayır, Avropanın enerjı təhlükəsizliyinin regional inkişafın təmin olunmasında fəal iştirak edir. Azərbaycanın dövlət büdcəsi son dörd ildə dörd dəfə artmış, son üç il ərzində 550 mindən çox yeni yerləri açılmış, yoxsulluq səviyyəsi 49 faizdən 20 faizə enmişdir. Ölkəmizin valyuta ehtiyatları artaraq 5 milyard dollara çatmışdır.
Z.Qaralov bildirmişdir ki, Ukraynadan gətirilmiş qırmızı qranitdən hazırlanmış, müəllıfı Azərbaycan Rəssamlıq Akademiyasının rektoru, akademik, xalq rəssamı Ömər Eldarov olan bu büst Baş Prokurorluq Respublika Hərbi Prokurorluğunda ulu öndərin xatirəsinə ucaldılmış abidələr kimi, hər bir prokurorluq əməkdaşının and yerinə çevriləcəkdir.
Abidənin 15 iyun - Milli Qurtuluş Günü ərəfəsində açılmasının xüsusi məna daşıdığını vurğulayan baş prokuror əlavə etdi ki, 14 il əvvəl məhz bu günlərdə xalqımızın təkidli çağırışları ilə Naxçıvandan Bakıya gələn böyük öndərimiz yenidən dövlətçilik sükanını öz əlinə alaraq xalqı, müstəqil dövlətimizi uçurumdan, xaos, özbaşınalıq, qanunsuzluqdan xilas etmişdir. Respublika Prokurorluğunun kollektivi bundan sonra da ulu öndər Heydər Əliyev siyasi kursuna sadiqlik nümayiş etdirəcək, dövlət müstəqilliyimizin, ictimai-siyasi sabitlik əmin-amanlığın hər cür cinayətkar qəsdlərdən qorunması istiqamətində qüvvə bacarığını əsirgəməyəcəkdir.
Mərasımdə çıxış edən Bakı şəhər prokuroru Əziz Seyidov, büstün müəllifi akademik Ömər Eldarov dahi Heydər Əliyev şəxsiyyətini əbədiləşdirən abidənin hər bir prokurorluq əməkdaşının and yerinə çevriləcəyinə inandıqlarını bildirdilər. Əminliklə qeyd olundu ki, prokurorluğun kollektivi həmişə ümummilli liderin müəyyənləşdirdiyi strateji xəttə uyğun olaraq, qarşıda duran vəzifələrin icrası üçün bütün qüvvələri səfərbər edəcək, dahi rəhbərimizin ideyalarının reallaşdırılması işində dövlətimizin başçısı İlham Əliyevə sədaqətlə kömək göstərəcəkdir.
Mərasımdən sonra baş prokuror Bakı Şəhər Prokurorluğunun əsaslı təmir edilmiş inzibati binasında yaradılmış şəraiti ilə yaxından tanış olmuşdur. Qeyd edilmişdir ki, ölkəmizin iqtisadiyyatının dinamik inkişafı bütün digər dövlət orqanları kimi, prokurorluğun da maddi-texniki bazasının möhkəmləndirilməsinə imkan yaratmışdır. 6 mərtəbəli binada yerləşən şəhər prokurorluğunun bütün otaqlarının hamısı əsaslı təmir edilmiş, müasir texniki avadanlıqla, kompyuterlərlə təchiz olunmuş, fasadı təzələnmiş, ətrafda səliqə-sahman yaradılmış, yaşıllıqlar salınmışdır.
Prokurorluqda ümummilli lider Heydər Əliyevin həyat fəaliyyətinin ayrı-ayrı dövrlərini, prokurorluq orqanlarının əməkdaşları ilə görüşlərini əks etdirən fotostendlər zövqlə quraşdırılmışdır. Şəhər prokurorluğunda vətəndaşların qəbulu müraciətlərinə baxılması işi təkmilləşdirilərək "Vətəndaşların müraciətlərinə baxılması üzrə lokal kompyuter şəbəkəsi" yaradılmışdır. Bu şəbəkə vətəndaşlara şəhər prokurorluğu tərəfindən baxılan müraciətlərin həlli prosesi barədə zəruri məlumatları qəbul otağında quraşdırılmış kompyuter vasitəsilə əldə etməyə, ərizə şikayətlərə baxılması məsələlərini tənzimləyən gündəlik nəzarəti təmin edən vahid bir sistemin yaradılmasına imkan verir. Şəhər prokurorluğunda müraciəti araşdırılan hər bir vətəndaş ona verilmiş bildirişdəki rekvizitlər əsasında qəbul otağında quraşdırılmış kompyuterdə ərizəsinin baxılması nəticələri barədə bütün məlumatlarla tanış ola istədikdə növbətçi prokurora müraciət etməklə zəruri sənədlərin surətlərini əldə edə bilir. Bu proses tədbir iştirakçılarına əyani şəkildə göstərilmişdir. Baş prokuror Zakir Qaralov rayon prokurorluqlarında vətəndaşların müraciətləri əsasında aparılan işlərin bu şəbəkədə əks olunmasının zəruriliyini bildirmiş tövsiyələrini vermişdir.

 

Azərbaycan.-2007.-14 iyun.-S.2.