Rəsulzadənin abidə lövhəsini Bakı meri götüzdürüb

Qəzetimizin ötən sayında Dövlət Kukla Teatrı ilə üzbəüz parkdan Azərbaycan Xalq Cümhuriyyətinin banilərindən olan Məmməd Əmin Rəsulzadənin heykəlini qoyulacağını elan edən xatirə-lövhənin götürülməsi barədə məlumat vermişdik.  Dünən Media Forum saytı bu biabırçı hadisə barədə araşdırma aparıb. Səbail Rayon İcra Hakimiyyətinin ictimaiyyətlə siyasi təşkilatlarla şöbəsinin müdiri İsrafil Kərimov saytının əməkdaşı ilə söhbətində ərazidəki yenidənqurma işlərinin birbaşa Bakı Şəhər İcra Hakimiyyəti başçısının nəzarəti altında olduğunu deyib..
Onun sözlərinə görə , bu səbəbdən həmin ərazidə aparılan yenidənqurma işləri barədə hər hansı məlumata malik deyillər: Yalnız onu bilirik ki, ərazidə abadlıq işləri gedir. Daha ətraflı məlumatı Bakı Şəhər İcra Hakimiyyətinin Memarlıq Şəhərsalma İdarəsindən ala bilərsiniz.
Sözügedən parkda üzərinə Burda Azərbaycan Demokratik Respublikasının banisi Məmməd Əmin Rəsulzadənin abidəsi qoyulacaqdır sözləri yazılmış daş lövhənin götürülüb-götürülməməsinə gəlincə, İ.Kərimov bu haqda da heç bir məlumatı olmadığını söyləyib.
Bakı Şəhər İcra Hakimiyyətinin mətbuat xidmətindən Media foruma bildiriblər ki, parkda hansı işlərin getməsindən, eləcə daş lövhənin götürülüb-götürülməməsindən xəbərsizdirlər.
Media forum saytının əməkdaşları Memarlıq Şəhərsalma İdarəsi vasitəsilə məsələyə aydınlıq gətirilməsi üçün gün ərzində çalışsalar da, buna nail ola bilməyiblər.
Dünən Media forum saytının əməkdaşları məlumatı yoxlamaq üçün parka da gediblər. Park elə bir formada hasara alınıb ki, içərini görmək, şəklini şəkmək mümkündür. Parkadakı bütün ağaclar da hasardan içəridə qalıb. Bununla belə Media forumun əməkdaşları hasarın üstünə qalxaraq parkın içərisinə baxa şəkil çəkə biliblər. Şəkillərdən göründüyü kimi, pakda belə bir lövhə yoxdur.

Bizim yol.-2007.-22 iyun.-S.12.