Behbudqızı S.

Fransada Azərbaycan telekanalları

Elşad Qullyev: "Bizim dediklərimizi

fransalı rejissor da qeyd etdi"

Bu həftə Fransanın ATF kanalının Azərbaycanın televiziya məkanına həsr edilmiş proqramının çəkilişləri başa çatır. Gələn həftə proqram Fransada montaj ediləcək və iyunun ortaları efirə çıxacaq. "Dünya televiziya məkanı" layihəsinin bizdən öncəki qəhrəmanı Ukrayna olub. Yarım saatdan bir qədər az vaxtı əhatə edən "Dünya televiziya məkanı" silsiləsinin Azərbaycan televiziya sahəsinə həsr edilmiş proqramının ssenari müəllifı EIşad Quliyevdir. Televiziya üzrə analitik və tənqidçi, bu sahədə bir neçə tədqiqat işinin müəllifı olan Elşad Quliyev ATF kanalının bu layihəsində Azərbaycan teleməkanının necə göründüyü barədə "Həftə içi"nə danışdı: "Mənə həvalə edildi ki, proqram analitik ssenarisini hazırlayım. Ssenaridə televiziyamızın reallıqları, keçib-gəldiyi yolun özəl cəhətləri, uğurları və gələcək inkişaf istiqamətləri əhatə edilib. Bu sahədə inkişafın, mütərəqqi meyllərin ləngiməsinin əsas səbəblərindən biri kimi Azərbaycanla Ermənistan arasındakı Qarabağ münaqişəsi vurğulayıb, 1990-cı illərin əvvəllərində SSRİ-nin dağılmasının ilk təbii çətinlikləri, fəsadları qeyd olunub. Bildiyiniz kimi, 1995-96-cı illərdə sabitlik bərqərar olana qədər xaos içində yaşayırdıq. Azərbaycan teleməkanına həsr edilmiş proqramdan fransalı tamaşaçılara o da bəlli olacaq ki, Azərbaycan televiziyası uzun illər boyunca sovet televiziyasının bir qolu olaraq, əyalət televiziyası kimi, mövcud olub. Amma bununla belə, bütün təzyiqlərə baxmayaraq, sırf özümüzdən doğan keyfıyyətləri yetışdırə bilərik.

- Filmin quruluşu necədir?

- Film Azərbaycan-Fransa mədəni əlaqələrinin tarixindən və bu gündən bəhs edən filmdən fraqmentlərlə başlayır. Bu fılm Azərbaycan Dövlət Televiziyasının sifarişi ilə çəkilib. Məlumdur ki, bu istiqamətdə Azərbaycanın birinci xanımı Mehriban Əliyeva böyük işlər görməkdədir. Proqramda bütün 6 telekanalımızın rəhbərləri, aparıcıları fəaliyyətləri haqqında məlumat verir, müxtəlif şərhlər, rəylər söyləyirlər. Proqram boyunca Mədəniyyət və Turizm Nazirliyinin mədəniyyətin təbliği və tədqiqi sahəsində televiziyalarla sıx əməkdaşhğa başlaması isə xüsusi qeyd edilib.

- Fransalı televizyonçularla iş prosesində özüniiz iiçün nələri kəşf etdiniz?

- Mən bir daha onu kəşf etdim ki, televiziya estetikası sarıdan çox geridə qalmışıq. Bunu fransalı rejissor da qeyd etdi. O özü telekanallarımızı bir-bir gəzib, rəhbərləri, əməkdaşları ilə söhbət edib və səviyyəni qiymətləndirmək imkanı qazanıb. Mən Ukrayna teleməkanının mənzərəsini yaradan matenallarla tanış oldum. Və acınacaqlı bir faktı aşkar etdim ki, biz onlardan nə qədər geridəyik! Bunun səbəbi, dəfələrlə qeyd olunduğu kimi, ondadır ki, telekanal rəhbərlərimizin hər biri özünü hamıdan ağıllı, tədbirli sayır. Məsləhətləşməyi, götür-qoy etməyi ağıllarına da gətirmirlər. Buna görə də bütün nailiyyətlərimizə baxmayaraq televiziya sahəsindəki inkişafımız axsayır.

"Dünya televiziya məkanı" silsiləsinin Azərbaycan televiziya sahəsinə həsr edilmiş proqramının əvvəlində və sonunda E.Quliyev öz fıkirlərini fransalı tamaşaçılarla da bölüşəcək. Ssenari müəllifi bizimlə söhbətində fılmin telekanallarımızın biri ilə yayımlanmasını da istisna .etmədı.

Həftə içi.- 2007.- 1 iyun.- S. 8.