Cabbarlı A.
Mədəni irsimizi, musiqimizi tanıtmaq milli borcumuzdur
Türkiyədə yaşayan həmyerlimiz,
məşhur balaban ustası Əlixan Səmədov məhz bu cür düşünür
Əlixan Səmədov Sumqayıtda böyüyüb
boya-başa çatıb. Valideynləri
ölkənin cənub
regionundandır. 1990-cı
ildə Azərbaycan Dövlət Pedaqoji Unversitetini bitirib. Nəfəsli alətlərin demək
olar hamısının
- balabanın, klarnetin,
zurnanın, saksafonun sirlərinə qısa müddətdə dərindən
yiyələnən Əlixanın
tale yolu 1993-cü ildə Türkiyəyə
düşdü.
Türk xalq sənətini, musiqi tarixini və mədəniyyətini incəliklərinədək öyrənməsi,
folklorçu alimlərlə
tanışlığı, müasir musiqiyə meyili onu bu
sahədə bir müəllim, ustad kimi yetişdirib. Son illər yazdığı "Balaban
metodu" kitabını
Əlixan səmərəli
yaradıcılıq dövrünün
bəhrəsi hesab edir.
Respublika Bilik, Maarifçilik, Mədəniyyət
və İnformasiya Mərkəzinin sədri Elşad Quliyev deyir ki, Əlixan
ilk sənət təcrübəsini Rafiq Babayev və Səyavuş Kərimi kimi sənətkarların
yanında keçib.
O, təpədən-dırnağa
kimi azərbaycanlıdır.
Əlixan Səmədov
Turkiyədə olduğu
müddətdə əslində
bir institutun işini görüb. Bu ölkədə balabanın
"duduk" adlandırılmasının
qarşısını almaqla
o, həm də Türkiyədə yaşaya-yaşaya musiqimizə
və musiqi alətlərimizə yiyə
çıxmaq istəyən,
diş qıcayan hayların dərsini verdi. Əlixan Səmədov yalnız Türkiyədə deyil, Fransada, Almaniyada, Avropanın bir sıra digər ölkələrində,
uzaq Yaponiyada "Sarı gəlin"in qolundan tutub
mötəbər salonlarda
əsl musiqi fanatlarına bütün ləyaqəti, gözəlliyi
ilə təqdim edərkən bədnam qonşularımızın "Sarı gəlin"in ayağına su tökməyə belə layiq olmadıqlarını
bütün çılpaqlığı
ilə sübut etmiş oldu. Elşad müəllim məhz bu məqama xüsusi diqqət yetirdi və bildirdi ki, Əlixanın
balabanının səsi
sadəcə musiqi aləti deyil, insanın özünün
səsi, fəlsəfi
düşüncələrinin, bəşəri duyğularının
ifadəsidir. Bu səs milli mənəviyyatımızın, həyat tərzimizin simvolu, həmişəyaşarlıq
məşəlidir. Hollivudun, Cənubi
Amerika kinostudiyalarının
filmlərində, Ermənistan
qaçqınları haqqında
kinolentdə, Avropanın
məşhur ziyafət
salonlarında Əlixan
Səmədovun ifasının
səsləndiyini biləndə
ustad sənətkarın
fəlsəfəsinə, düşüncə
və ifa tərzinə vuruldum.
Balabana əslində yeni həyat verən Əlixan Səmədova rəhbərlik
etdiyim qurumun Yusif Məmmədəliyev
medalının verilməsi
qərarına da məhz bu duyğuların
işığında gəldim.
Onun haqqında çəkilən verilişə
dəvət aldığıma
görə çox şadam. Az.TV-də xalqın ürəyindən xəbər
verən, milli-mənəvi dəyərlərimizə
xidmət edən verilişlərin sayının
artması bizi sevindirir".
Musiqimizi, mədəni
irsimizi tanıtmaq, dünya arenasında nümayiş etdirmək bizim milli borcumuzdur.
Bu fikir isə Əlixan Səmədovundur. O, öz
dediklərini əməli
işi ilə sübut edir. Türkiyə televiziyasının
maqazin verilişlərindən
birmənalı olaraq imtina edən ustad sənətkar yalnız ciddi proqramların qonağı
olur. Azərbaycan milli musiqisinin yorulmaz təbliğatçısı
Türkiyədə "Balaban"
şirkəti yaradıb.
O bu qurumun
xətti ilə yalnız Türkiyədə
deyil, Avropada, Amerikada, Yaxın və Uzaq Şərqdə
Azərbaycan xalq musiqisinin şah əsərlərini balabanın
dili ilə milyonlara çatdırır.
Əlixan Səmədovun
"Sarı gəlin"i qitələri dolaşır, meridianları
əriş-arğac edir - əsrlərin, min illərin müqəddəs duvağı, abır-həya pərdəsi də üstündə
Azərbaycan. 2007.- 9 iyun.- S. 7.