Litvanın mədəniyyət naziri Yonas Yuças Bakıda səfərdədir

 

Ümummilli lider Heydər Əliyevin xatirəsinə ehtiram və şəhərlə tanışlıq
Ölkəmizdə səfərdə olan Litvanın mədəniyyət naziri Yonas Yuças iyunun 8-də Heydər Əliyev adına Sarayın qarşısındakı parka gələrək, müstəqil Azərbaycan dövlətinin memarı və qurucusu, ulu öndər Heydər Əliyevin abidəsi önünə tər güllər düzmüşdür.
Nazir bildirmişdir ki, səfərindən məqsəd Bakıda keçirilən Beynəlxalq caz festivalında iştirak etmək Azərbaycanın mədəniyyət turizm naziri Əbülfəs Qarayevlə ölkələrimiz arasında mədəniyyət sahəsində ikitərəfli əlaqələrin inkişafı ilə bağlı fikir mübadiləsi aparmaqdır.
Litvalı qonaq demişdir: Azərbaycan ilə Litva arasında, xüsusilə mədəniyyət sahəsində həmişə yaxşı əlaqələr mövcud olmuşdur. Amma mən bu xoş münasibətlərin daha da dərinləşməsini arzu edərdim. Qonağı müşayiət edən mədəniyyət turizm nazirinin müavini Sevda Məmmədəliyeva səfər çərçivəsində Litvanın kitabxana, muzey teatrları ilə əməkdaşlıq barədə müzakirələr aparılacağını bildirmişdir.
Sonra Litvanın mədəniyyət naziri muzey mərkəzinə gəlmişdir. Yonas Yuças Lətif Kərimov adına Azərbaycan xalçası xalq tətbiqi sənəti Dövlət muzeyinin ekspozisiyalarına maraqla tamaşa etmişdir. Hörmətli qonağa muzey barədə məlumat verilmiş, bildirilmişdir ki, burada Azərbaycan xalçaçılıq sənətinin XVII-XX əsrlərə aid minədək nümunəsi qorunub saxlanılır. Qonaq xalçaçı qızların prosesi ilə əyani tanış olmuş, muzeydə nadir, zəngin el sənəti nümunələri ilə tanışlığın onda xoş təəssürat doğurduğunu bildirmişdir.
Litvanın mədəniyyət naziri muzeyin Xatirə kitabına ürək sözlərini yazmışdır. Qonağa xatirə hədiyyələri təqdim olunmuşdur.
Gəzinti İçərişəhərdə Karvansara Qız qalası ilə tanışlıqla davam etmişdir. Burada УQız QalasıФ rəsm qalereyasına baş çəkən qonaq, Şirvanşahlar sarayı kompleksində olmuşdur.

 

Xalq qəzeti.-2007.-9 iyun.-S.4.