İsmayılova X.

 

Çoxşaxəli fəaliyyət

 

Heydər Əliyev Fondunun və Azərbaycan Mədəniyyətinin Dostları Fondunun Dostları Fondunun prezidenti, YUNESKO və İSEJSKO-nun xoşməramlı səfiri, Milü Məclisin deputatı, Azərbaycanın birinci xanımı Mehriban Əliyevanın, mədəniyyət sahəsindəki xeyriyyəçilik fəaliyyəti haqda oxuculara məlumat verən "Mədəniyyətimizin və mədəni incijərimizin hamısı" adlı kitab çapdan çıxmışdır. Kitab 1995-2007-ci illər arasında Mehriban xanımın fəaliyyətini əks etdirən dövri mətbuat materialları əsasında, Mədəniyyət və Turizm nazirinin müavini, Avropa Şurasında Mədəniyyət üzrə rəhbər komitəsinin büro üzvü, professor Sevdaxanım Məmmədəliyeva tərəfindən tərtib edilmişdir. Layihənin rəhbəri Lalə Kazımovadır. Kitabın əvvəlində Mədəniyyət Turizm naziri Əbülfəs Qarayev oxuculara Mehriban xanımın mədəniyyət sahəsindəki çoxşaxəli fəaliyyəti barədə yığcam aydın şəkildə məlumat vermişdir.

Kitabda materiallar 7 bölmədə qruplaşdırılmışdır. Birinci bölmədə Mehriban xanım Əliyevanın mədəniyyətimiz, mədəni irsimiz və incəsənət xadimləri haqqında dəyərli söziəri, qiymətli fikirləri verilmişdir. "Azərbaycan Mədəniyyətinin Dostları Fondunun tədbirləri" adlı 2-ci bölmədə fondun yarandığı 1995-ci ildən bu vaxtadək keçirdiyi müxtəlif sərgilər, konsertlər, xeyriyyə konsertləri, təqdimatlar, müsabiqələr, yubileylər haqda məlumatlar öz əksini tapıb. Üçüncü bölmə Heydər Əliyev Fondunun 10 may 2004-cü ildən, yəni yarandığı gündən keçirdiyi müxtəlif tədbirləri işıqlandırır.

"Heydər Əliyev Fondunun və Azərbaycan Mədəniyyətinin Dostları Fondunun YUNESKO ilə birgə layihə və tədbirləri" adlı 4-cü bölmədə həm də Mehriban xaınımın YUNESKO-da fəaliyyətini əks etdirən seçmə materiallar toplanmışdır. Beşinci bölmədə Mehriban xanım Əliyeva haqqında yazılan məqalə və materialların bir qismi verilmişdir. Altıncı bölmə "Mehriban xanım Əliyevanın müsahibələri", 7-ci bölmə isə "Mehriban xanım Əliyeva dünya mədəniyyət ocaqlarında" adlanır. Kitabdakı materialları tədbir və görüşləri əks etdirən rəngli fotoşəkillər müşayiət edir.

 

Azərbaycan.- 2007.- 30 iyun.- S. 6.