Çiçəyim
Uşaq Teatrının 10 yaşı qeyd olunub
Dünən Musiqili Komediya
Teatrının binasında
"Çiçəyim" uşaq teatrının yubileyi qeyd olunub.
Azərbaycan Ticarət İşçiləri
Həmkarlar İttifaqı
Mədəniyyət Sarayında
fəaliyyət göstərən
bu teatrın 10 yaşı tamamlandı. Yubileyi çıxış
sözü ilə teatrın bədii rəhbəri və rejissoru Rəna Kərimova açdı. O
bildirdi ki, kollektiv yarandıqda cəmi 18 nəfərlə fəaliyyət göstərirdi. İndi isə teatrın balaca aktyorlarının sayı xeyli artıb. Uşaqlar bu günə qədər həm milli, həm də xarici ölkə nağıllarını
səhnələşdiriblər. Bu 10 il ərzində
"Çiçəyim" dəfələrlə mükafatlarla
təltif olunub. Teatr müxtəlif xeyriyyə konsertlərində, Yeni il, Novruz bayramı,
1 İyun Uşaqların
Müdafiəsi Günü
keçirilən tədbirlərdə
tez-tez çıxış
edir . Yubileydə Həmkarlar İttifaqları
Konfederasiyasının sədri,
millət vəkili Səttar Mehbalıyevin, Teatr Xadimləri İttifaqının "Çiçəyim"ə ünvanlanan təbrik məktubları oxundu. R.Kərimova qeyd etdi ki, teatrın
öz binası olmasa da, artıq
5 ildir ki, Heydər Əliyev adına Sarayın, Rəşid Behbudov adına Mahnı Teatrının, Həmkarlar
İttifaqları Mədəniyyət
Sarayının səhnəsində
tamaşalar oynayırlar.
Bütün çətinliklərə
baxmayaraq uşaq teatrının üzvləri
öz yaşıdları
ilə yanaşı böyükləri də sevindirirlər. Yubiley tədbirinin rəsmi hissəsindən sonra balaca aktyorlar hazırladıqları müxtəlif
maraqlı səhnəciklərlə
on ilin hesabatını
verdilər.
525-ci qəzet.- 2007.- 14
iyun.- S. 7.