Litvanın
mədəniyyət naziri Yonas Yuças iyunun 8-də
Heydər Əliyev Fondunda olmuşdur.
Fondun əməkdaşı
Heydər Əliyev Fondunun yaranma tarixi, məqsədləri,
fəaliyyəti barədə
məlumat verdi.
Bildirildi
ki, fondun əsas məqsədləri
görkəmli siyasi xadim Heydər Əliyevin zəngin irsini öyrənmək və təbliğ etməkdən, Azərbaycanın
sosial-iqtisadi, mədəni
tərəqqisinə yönəlmiş
genişmiqyaslı fəaliyyəti
barədə gələcək
nəsillərdə, xarici
qonaqlarda əyani təsəvvür yaratmaqdan, Azərbaycan mədəniyyəti və
tarixinin geniş təbliği ilə əlaqədar aparılan işlərə kömək
göstərməkdən ibarətdir.
Son iki ildə
respublikanın bütün
regionlarında, ən
ucqar kəndlərdə
fondun təşəbbüsü
ilə 200-ə yaxın müasir tipli məktəb tikilib istifadəyə verilmiş, bütün lazımi avadanlıqla təmin edilmişdir. Fond həm də
səhiyyə sahəsində,
elmin, mədəniyyətin
inkişafına, informasiya
texnologiyalarının tətbiqinə
dair bir neçə layihə həyata keçirmişdir.
Beynəlxalq təşkilatlarla
sıx əməkdaşlıq
edən fond tərəfindən Rusiya və digər Avropa ölkələrində
nəşr olunmuş
5 min müxtəlif adda dərslik, elmi, bədii ədəbiyyat alınıb
respublikamızın ali
məktəblərinə paylanmışdır.
Litvanın mədəniyyət naziri Yonas Yuças
fondun muzeyinə baxdı. Ulu öndərin şəxsi
arxivindən götürülmüş
və onun fəaliyyətinin ayrı-ayrı dövrlərini əhatə edən eksponatlara, fenomen şəxsiyyətin həyatının
ən müxtəlif məqamlarını əks
etdirən və tariximizin bütöv bir dövrü barədə geniş
təsəvvür yaradan
sənədlərə diqqətlə
tamaşa edən litvalı qonaq görkəmli siyasi xadim Heydər Əliyevin Moskvada keçmiş SSRİ Nazirlər
Soveti sədrinin birinci müavini işləyərkən Baltikyanı
respublikaların iqtisadi
inkişafına da kömək göstərdiyini, ölkəsində
onun adına, şəxsiyyətinə həmişə
böyük hörmət
və ehtiram bəsləndiyini bildirdi. Litvanın mədəniyyət
naziri Fondun xatirə kitabına ürək sözlərini
yazdı, görkəmli
siyasi xadim Heydər Əliyevin adını yaşadan fondla tanışlığın
onda zəngin təəssürat doğurduğunu
dedi.
Heydər Əliyev fondunun prezidenti, YUNESKO-nun və İSESKO-nun xoşməramlı
səfiri Mehriban xanım Əliyevanın adından Litvanın mədəniyyət naziri Yonas Yuçasa fondun fəaliyyətinə
həsr edilmiş kitab hədiyyə edildi.
Xalq qəzeti.-2007.-9 iyun.-S.5.