Avstriya Milli Kitabxanası Qobustan və Şamaxı kitabxanalarına kitab hədiyyə edib

AzərTAc-ın müxbiri Azərbaycanın Avstriyadakı səfirliyinə istinadla xəbər verir ki, Avstriya Milli Kitabxanasının baş direktoru xanım Yohanna Rayxinqerin rəhbərlik etdiyi nümayəndə heyəti səfirliyin təşəbbüsü ilə 2007-ci il martın 12-dən 14-dək Azərbaycanda səfərdə olarkən müxtəlif muzeylər və kitabxanalara baş çəkmişdir. Keçirilmiş görüşlər nəticəsində Avstriya Milli Kitabxanası tərəfindən Qobustan və Şamaxı kitabxanalarına iki yüz nüsxə kitab hədiyyə edilib. Kitabların bir qismi Avstriyanın tarixi, mədəniyyəti və memarlığından bəhs edir, digər qismi isə uşaqlar üçün nəzərdə tutulub.

Palitra.- 2007.- 1 iyun.- S. 15.