YUNESKO-ya məktub göndərilib

Əbülfəs Qarayev: “Sərəncam Qobustan qoruğunun ümumbəşəri mədəni irs siyahısına salınması üçün növbəti addımdır.

Mədəniyyət və turizm naziri Əbülfəs Qarayev "Yanardağ" dövlət tarixi mədəniyyət və təbiət qoruğunun yaradılması haqqında" ölkə başçısının 2007-ci il 2 may tarixli sərəncamı ilə bağlı mətbuat konfransı keçirib. Nazir bildirib ki, hökumət tarixi irsinin qorunmasında səylərini daha da artırıb. Bu istiqamətə imzalanan sərəncamların icrası ilə bağlı məlumat verən Əbülfəs Qarayev bildirdi ki, müvafıq beynəlxalq təşkilatlar, o cümlədən YUNESKO-ya məktublar göndərilib. Nazir əlavə etdi ki, sərəncam dünya birliyinin, turistlərin diqqətini bu obyektə cəlb etməyə kömək gəstərəcək.

Qobustanı Azərbaycan üçün ən vacib abidələrdən biri sayan nazir, onu xalqımızın çox qədim tarixinin olduğunu sübuta yetirən nadir nümunələrdən hesab edir:

"Prezidentin imzaladığı sərəncam qoruğun beynəlxalq arenaya təqdim edilməsi və Azərbaycanın ümumbəşəri mədəni irsinin siyahısına qəbul olunması üçün növbəti bir addımdır. Qobustanın tədqiqatları 60-cı illərdə çox geniş sahəni əhatə etmişdi və o zaman çox ciddi tədqiqatlar aparılmışdı. O tədqiqatların əsasında bu qoruğun artıq sxemləri dəqiqləşdirilib. Bu gün bu qoruğun yeni statusunun hazırlanması, daha yüksək maliyyələşdirilməsi, qorunmasının təminatı və lazımi şəraitlərin yaradılmasına dair tapşırqlar verilib. Bu çax rahatlıqla həyata keçirilən tədbirlər olmayacaq".

Bəstəkarlar İttifaqının qurultayı ilə bağlı mövqeyini bildirən nazir bunları söylədi:

"Qurumun keçirdiyi qurultay musiqimizin inkişafinda müəyyən rol oynayır..Cördüyünüz kimi bir çox ölkələrdən paytaxta axın var. Gənc və orta nəsil nümayəndələrinin əsərləri maraqla dinlənilir. Ümumiyyətlə, bu sahədə irəliləyişlər danılmazdır. İnanıram ki, quruma layiqli namizədlərdən biri sədr seçilməklə, vacib məsələlərin həllində səylərini əsirgəməyəcək".

Ayna.- 2007.- 14 iyun.- S. 8.