Ərtoğrul Cavidin 90 illiyi İstanbulda qeyd olunub

İstanbulda Azərbaycanın böyük mütəfəkkiri Hüseyn Cavidin oğlu, nakam bəstəkar Ərtoğrul Cavidin 90 illik yubileyi keçirilib. “Turan Cavid Qadın Mərkəzi” İctimai Birliyinin (TCQMİB), İstanbuldakı Azərbaycan Kültür Evinin (AKE) və Kazım Qarabəkir Vəqfinin (KQV) birgə təşkilatçılığı ilə keçirilən tədbir qardaş xalqlarımızın ortaq mədəniyyətinin bayramı kimi reallaşıb. AKE-nin rəhbəri Erol Güllü, KQV-nin başçısı Timsal Karabəkir, TCQMİB-nin sədri Sevda Cəfərova, telejurnalist Telli Pənahqızı və başqaları qardaş xalqların qırılmaz əlaqələrindən, Hüseyn Cavidlə Kazım Qarabəkirin dostluğundan danışıblar. Sonda Azərbaycandan gəlmiş incəsənət ustaları Ərtoğrul Cavidin əsərlərini ifa ediblər.

SARA

525-ci qəzet.-2010.- 7 aprel.- S.7.