“Bakı Dövlət Universitetinin nəşriyyatçılıq fəaliyyəti” təqdim olunub

Kitab Klubunda tarix elmləri doktoru Bayram Allahverdiyevin “Bakı Dövlət Universitetinin nəşriyyatçılıq fəaliyyəti” kitabının təqdimatı olub. Klubdan verilən məlumata görə, tədbirdə sözügedən Klubun rəhbəri Elxan Rzayev, yazıçı-publisist Knyaz Aslan kitabda Bakı Dövlət Universiteti (BDU) nəşriyyatının yaranması, formalaşması və inkişafından bəhs edildiyini diqqətə çatdırıblar: “İlk dəfə olaraq bu nəşrdə çap proseslərində universitet rektorlarının, nəşriyyat direktorlarının rolu, baş redaktorların, redaksiya müdirlərinin, bədii, elmi, texniki redaktorların fəaliyyəti geniş şərh edilib”. Tədbirdə çıxış edən BDU-nun professorları Abuzər Xələfov, Qara Namazov, İsmayıl Vəliyev, yazıçı-publisist Flora Xəlilzadə və başqaları B.Allahverdiyevin indiyədək çap olunan “Kitablar haqqında kitab”, “Kitabxanaşünaslıq”, “Müasir mərhələdə kitab ticarətinin təşkili”, “Ümumi kitab tarixi” əsərlərinin ölkədə nəşriyyat işinin yaxşılaşdırılmasına, çapdan çıxmış kitabların yayılması prosesinə və kitab nəşri sahəsində mütəxəssislərin yetişməsinə müsbət təsir göstərdiyinin vurğulayıblar.

525-ci qəzet.- 2010.- 10 aprel.- S.22.