“Ədəbi üfüqlər” bu dəfə Rəsul Rzaya həsr olunub

İ.Əbilov adına Mədəniyyət Mərkəzində xalq şairi Rəsul Rzanın anadan olmasının 100 illiyinə həsr edilmiş tədbir keçirilib. Bu barədə Yazıçılar Birliyinin mətbuat xidmətinin rəhbəri, şair Ədalət Əsgəroğlu məlumat verib. “Ədəbi üfüqlər” silsiləsi çərçivəsində reallaşan tədbiri giriş sözü ilə mərkəzin bədii rəhbəri Mirəhməd Əsgərov açaraq, xalq şairinin həyat və yaradıcılığının ən önəmli məqamlarından danışıb. Ə.Əsgəroğlu çıxışında Rəsul Rzanın orijinal, cəsarətli, həmişəyaşar poeziyasından nümunələr gətirərək, onun Azərbaycan ədəbiyyatının inkişafındakı xidmətlərindən danışıb. Şair Musa Ələkbərli yubilyara həsr etdiyi şeirini oxuyub. Mərkəzin “Şəlalə” xalq çalğı alətləri ansamblı R.Rzanın sözlərinə yazılmış mahnıları ifa edib, “Vurğun” poeziya teatrının üzvləri şairin şerlərindən nümunələr səsləndiriblər.

SARA

525-ci qəzet.- 2010.- 21 aprel.- S.7.