Mədəniyyət və Turizm Nazirliyi Sabirabadda görüş keçirib

Mədəniyyət və Turizm Nazirliyinin məsul işçiləri 2010-cu ilin birinci yarımili üçün nəzərdə tutulmuş iş planına əsasən Sabirabadda kənd mədəniyyət işçiləri ilə görüş keçiriblər. Nazirliyin mətbuat xidmətindən verilən məlumata görə, görüş regionlarda, xüsusilə kənd mədəniyyət müəssisələrinin fəaliyyətində mövcud olan problemlərin, habelə vətəndaşların müraciətlərində qaldırılan müvafiq məsələlərin yerində araşdırılması və həlli yollarının müəyyənləşdirilməsi məqsədi ilə təşkil olunub. Tədbirdə nazirliyin aparatının rəhbəri Firudin Qurbanov təmsil etdiyi qurumun regionların iqtisadi inkişafı ilə bağlı gördüyü işlər, mədəniyyət və turizm sahələrində dövlət siyasətinin əsas istiqamətləri, son zamanlar mədəniyyət müəssisələrində aparılan quruculuq və bərpa işləri haqqında söhbət açıb. Görüşdə rayon mədəniyyət müəssisələrinin fəaliyyətindən, mövcud çatışmazlıqlardan, onların həlli yollarından bəhs edilib.

SARA

525-ci qəzet.- 2010.- 24 aprel.- S.16.