Naxçıvan Dövlət
Universitetində Heydər
Əliyev həftəsi
Azərbaycan
xalqının ümummilli lideri, görkəmli dövlət
xadimi Heydər Əliyevin xatirə günü ilə
əlaqədar olaraq Naxçıvan Dövlət
Universitetində (NDU) bir həftə ərzində silsilə
tədbirlərin keçirilməsi planlaşdırılıb.
Heydər Əliyev
həftəsinin ilk tədbiri kimi universitetin professor-müəllim
heyəti və tələbə kollektivi ümummilli liderin Naxçıvan şəhərindəki
heykəlini ziyarət
edib, ulu öndərin xatirə muzeyi ilə tanış olublar. Heydər Əliyev muzeyində xüsusi məşğələ keçirilib.
Məşğələni giriş sözü
ilə açan Naxçıvan Dövlət
Universitetin rektoru, akademik İsa Həbibbəyli yeni Azərbaycanın böyük
yaradıcısı Heydər
Əliyevin dövlətçilik
ideallarının yeni
nəsillər üçün
örnək olduğundan
bəhs etmişdir.
Tədris işləri
üzrə prorektor, əməkdar elm xadimi Hüseyn Həşimli “Heydər Əliyev müstəqil Azərbaycan dövlətinin
banisidir” mövzusunda məruzə ilə çıxış ediblər.
Naxçıvan şəhərindəki
Heydər Əliyev muzeyinin direktoru Ramin Orucəliyev yeni eksponatlar haqqında məlumat verib. Bundan başqa
universitetin tarix-filologiya
fakültəsində ulu
öndərə həsr
edilmiş şeir müsabiqəsi uğurla başa çatıb. Müsabiqədə universitetdə
təhsil alan xarici ölkə vətəndaşları olan
tələbələrin də
iştirakı böyük
maraqla qarşılanıb.
Həftə ərzində Naxçıvan
Dövlət Universitetində
fəaliyyət göstərən
Heydər Əliyev Universitetinin məşğələsində
“Heydər Əliyevin dövlətçilik təlimi
və müasir dövr” mövzusunda məruzənin dinlənilməsi,
görkəmli dövlət
xadiminin həyatı və fəaliyyətinə
həsr olunmuş
tələbə elmi konfransının keçirilməsi,
ədəbi kompozisiyanın,
rəsm və kitab sərgilərinin təşkili də nəzərdə tutulur.
Mehriban SULTAN,
NDU-nun mətbuat şöbəsinin müdiri
525-ci qəzet.- 2010.- m7 dekabr.- S.7.