Şopen iliçərçivəsində daha bir fortepiano ilə solo konsert

 

Rüstəm Mustafayev adına Azərbaycan Dövlət İncəsənət Muzeyində Üzeyir Hacıbəyli adına Bakı Musiqi Akademiyasının professoru, beynəlxalq müsabiqə laureatı, əməkdar artist Nərgiz Əliyarovanın fortepiano ilə solo konserti baş tutub. Dünyaşöhrətli Polşa bəstəkarı Şopenin 200 illik yubileyi ilə əlaqədar Heydər Əliyev Fondunun, Mədəniyyət Turizm Nazirliyinin, Polşanın ölkəmizdəki səfirliyinin birgə təşkilatçılığı ilə Azərbaycanda həyata keçirilənŞopen iliçərçivəsində təşkil olunan konsert proqramında F.Şopenlə yanaşı, Cövdət Hacıyevin, Qara Qarayevin, Aqşin Əlizadənin, Vaqif Mustafazadənin, Firəngiz Əlizadənin, Azər Rzayevin əsərləri səslənib. Sonda çıxış edən professor, əməkdar artist N.Əliyarova tədbirin təşkilatçılarına iştirakçılarına təşəkkürünü bildirib. Qeyd edək ki, muzeydə Şopenə həsr olunmuş 30 rəsm əsərindən ibarət sərgi nümayiş olunub.

 

HÜSNİYYƏ

525-ci qəzet.- 2010.- 28 dekabr.- S.7.